Koronavırýs ınfeksııasynyń taralýy nátıjesinde paıda bolǵan pandemııa jaǵdaıynda densaýlyq saqtaý júıesin damytýdyń barlyq baǵyttary boıynsha keshendi jumystar júrgizilýde.
"Ýaqtyly dári-dármekpen qamtamasyz etý, klınıkalardyń materıaldyq- tehnıkalyq jabdyqtalýy, ınfeksııalyq tósek-oryndardy ulǵaıtý jáne t.b. áleýmettik-ekonomıkalyq máselelerden basqa, densaýlyq saqtaý uıymdaryn medısına kadrlarymen qamtamasyz etýge erekshe kóńil bólindi", dedi ol.
Almaty qalasynda qoǵamdyq densaýlyq basqarmasyna qarasty 74 uıym, 20 respýblıkalyq uıym jáne 93 jeke menshik nysanyndaǵy uıym jumys isteıdi. Bul uıymdarda 38 myńnan astam qyzmetker jumys isteıdi.
Medısınalyq kadrlarmen qamtamasyz etýdi taldaý kezinde, 2020 jylǵy 01 tamyzdaǵy jaǵdaı boıynsha COVID-19 emdeýge 27 Densaýlyq saqtaý uıymy jumyldyrylyp, 6200-ǵa jýyq tósek-oryn ornalastyrylǵany anyqtaldy. Sol kezde ınfeksııalyq stasıonarlarda 4035 qyzmetker eńbek etti.
Epıdemııalyq jaǵdaıdyń turaqtalýyna baılanysty kópsalaly klınıkalar qalypty rejımge kóshti. Koronovırýs ınfeksııasy bar juqpaly klınıkalarda 100-den astam naýqas bar, 400-ge jýyq dáriger jáne meıirgerler men kishi medısınalyq personaldar shtattyq rejımde.
"Jańa tolqyn» jaǵdaıynda 5500-ge jýyq medısınalyq kadrlar rezervte tur. Medısınalyq joǵary oqý oryndarynyń oqytýshylary, rezıdentteri men dáriger ınternderinen rezerv qalyptastyryldy, olardyń sany 450-ge jýyq", dep habarlady Svetlana Sultanǵazıeva.
