Joǵary medısınalyq kolledjdiń dırektory Svetlana Sultanǵazıeva Almaty qalasynyń О́ńirlik kommýnıkasııalar qyzmetine onlaın-suhbat barysynda qalada medısına kadrlaryn daıarlaý týraly málimet berdi.
Búgingi tańda Almaty qalasynda bakalavrlardy, ınternderdi, rezıdentter men doktoranttardy daıyndaýmen aınalysatyn iri joǵary oqý oryndary, S.Asfendııarov atyndaǵy Qazaq ulttyq medısına ýnıversıteti, Qazaqstan-Reseı medısına ýnıversıteti bar. Sonymen qatar, dárigerlerdi túrli mamandyqtar boıynsha dıplomnan keıingi daıarlaýdy Qazaq medısınalyq úzdiksiz bilim berý ýnıversıteti, QazMÝ medısına fakýlteti, Qoǵamdyq densaýlyq saqtaý joǵary mektebi jáne Almaty qalasynda ornalasqan Respýblıkalyq ǵylymı-zertteý ınstıtýttary júrgizedi.
Ortasha medısınalyq qyzmetkerlerdi daıyndaýmen 10-nan astam medısınalyq kolledj aınalysady, olarda búgingi kúni 14 myńnan astam stýdent bilim alýda (bul bilim alýshylardyń jalpy kontıngentiniń sany), olardyń 10%-ǵa jýyǵy granttyq negizde oqıdy. Oqytý "emdeý isi", "meıirbıke isi", "Zerthanalyq dıagnostıka, gıgıena jáne epıdemıologııa", "stomatologııa", "farmasııa" jáne t.b mamandyqtar boıynsha júrgiziledi.
"2020 jyly medısınalyq kolledjderde oqýdy aıaqtap, 3628 túlek dıplom aldy, atap aıtqanda bizdiń kolledjden 364 maman bitirdi. Búgingi kúni osy jylǵy túlekter arasynda jumysqa ornalasý paıyzy joǵary jáne 93%-ǵa deıin jetedi, bul bizdiń stýdentterimizdiń qajettiligin jáne bilim berýdiń tıisti sapasyn kórsetedi", dep atap ótti S.Sultanǵazıeva.
2021 jyly kolledjderdiń 4100-den astam stýdenti oqýyn aıaqtaıdy, olar Almaty qalasy men óńirlerdiń tájirıbelik densaýlyq saqtaý salasyndaǵy qatarlaryn tolyqtyrady.
О́tken jyldan bastap medısınalyq uıymdardyń suranystaryna sáıkes, kadrlar daıarlaýǵa baǵyttalǵan dýaldy bilim berý engizildi, ıaǵnı oqý ornynda oqytýdy tájirıbelik qyzmetpen úılestirý, bilim alýshy úshin jeke baǵdarlama jasaý. Sabaqtardyń teorııalyq bóligi 30%-dan aspaıdy, stýdentter kóp ýaqytty tájirıbemen aınalysady, ári qaraı sol uıymda jumys isteıdi.
Jalpy Almatyda medısına kadrlaryn daıarlaý júıesi qurylǵan. Osy baǵyttaǵy jumystar jalǵasýda.
