Búgin Almaty qalasynyń óńirlik kommýnıkasııalar qyzmeti alańynda ótken onlaın-suhbat barysynda Joǵary medısınalyq kolledjdiń dırektory Svetlana Sultanǵazıeva megapolıstiń densaýlyq saqtaý júıesi úshin kadrlar daıarlaý júıesi týraly baıandady.
Joǵary medısınalyq kolledj Almaty qalasynyń praktıkalyq densaýlyq saqtaý mamandaryn dıplomnan keıingi daıarlaýmen aınalysady. Kolledj quramynda qurylymdyq bólimshe bolyp tabylatyn jáne densaýlyq saqtaý salasynda qosymsha bilim berý baǵdarlamalaryn iske asyratyn oqý-ádistemelik ortalyq bar.
Medısına mamandarynyń biliktiligin arttyrýda oqytýdyń 3 túrine bólinedi:
- beıini boıynsha jetekshi otandyq mamandardy tarta otyryp, el ishinde medısına kadrlarynyń biliktiligin arttyrýdy uıymdastyrý;
- Almaty qalasyna sheteldik jetekshi mamandardy tartý jáne semınar-trenıngter (master-klastar) ótkizý arqyly medısına kadrlarynyń biliktiligin arttyrýdy uıymdastyrý);
- sheteldik bilim berý uıymdaryna jáne/nemese klınıkalyq ortalyqtarǵa jiberý arqyly mamandardyń biliktiligin arttyrýdy uıymdastyrý.
Orta medısına qyzmetkerlerin oqytý AMSKK basymdyǵyn, onyń kópfýnksııalylyǵy men ámbebaptyǵyn eskere otyryp júrgiziledi. Medısınalyq uıymdardyń qyzmetkerlerin oqytý standarttary ázirlengen jáne bekitilgen kásiptik standarttarǵa sáıkes keltirilgen.
Oqý ádistemelik ortalyǵynda sımýlıasııalyq ortalyq (17 maneken men fantom, onyń 4-ýi kompıýterlendirilgen), ana men balany qorǵaý ortalyǵy jáne qosymsha bilim berý bólimi jumys isteıdi.
Oqytýdyń negizgi baǵyttary: ana men balany qorǵaý, AMSKK damytý, qabyldaý bólimshesiniń jumysyn uıymdastyrý, shuǵyl medısınalyq kómek kórsetý (halyqaralyq standarttar: BLS, ACLS, PALS, PHTLS), Epıdemıologııa, klınıka, COVID-19 profılaktıkasy, COVID-19-ǵa kúdikti naýqastarmen qaýipsiz jumys.
"Bıylǵy jyly KVI (Koronavırýstyq ınfeksııanyń) dıagnostıkasy jáne emdeý, jańa ınfeksııalyq klınıkalarda jumys isteý úshin medısına qyzmetkerlerin daıarlaý boıynsha taqyryptar oqytý úshin basym boldy. Osy ózekti taqyrypqa sheteldik (Izraıl, Germanııa, Reseı, Ispanııa, Anglııa, Koreıa jáne t.b.) jáne otandyq mamandardy tarta otyryp, biliktilikti arttyrýdyń 40-tan astam sıkly ótkizildi. KVI (Koronavırýstyq ınfeksııanyń) taqyryby boıynsha tájirıbelik densaýlyq saqtaýdyń 3 myńnan astam qyzmetkeri oqytyldy. Basqa sıkldarda 4,5 myńǵa jýyq maman oqytyldy", dep habarlady spıker.
S.Sultanǵazıvanyń aıtýynsha, jyldan jylǵa dárigerler men orta medısına qyzmetkerlerin dıplomnan keıingi daıarlaýǵa jergilikti bıýdjetten qarjylandyrý ósip kele jatqanyn atap ótkim keledi. О́tken jyldarmen salystyrǵanda 2020 jyly Almaty qalasynyń medısına qyzmetkerleriniń biliktiligin arttyrýǵa jergilikti bıýdjetten 60%-dan astam qarjy bólindi.
"2020-2021 oqý jyldarynda bizdiń kolledjde oqý úshin 325 grant bólindi, al aldyńǵy jyldary granttar sany 225-ten aspaǵan. Munyń bári Almaty qalasy ákimdiginiń jergilikti atqarýshy organynyń tájirıbelik densaýlyq saqtaý problemalaryna jiti nazar aýdaratynyn bildiredi", dep tolyqtyrdy ol.
