Qojabaı Jazyqov 1920 jyly Aqtóbe oblysy Baıǵanın aýdanynyń Kóktúbek aýylynda týǵan. Oblys ortalyǵynda muǵalimder daıarlaıtyn ýchılısheni bitirip, aýylda muǵalim bolyp jumys istep jatqanda, 1942 jyldyń 4 qańtarynda Temir aýdandyq áskerı komıssarıatynan soǵysqa shaqyrylǵan.
2-Ýkraına maıdany, 7-gvardııalyq armııa, 25-gvardııalyq atqyshtar dıvızııasy derbes barlaý rotasynyń vzvod komandıri Qojabaı Jazyqovqa 1944 jyldyń 25 jeltoqsanynda Vengrııa aýmaǵyndaǵy shaıqasta kórsetken erekshe erligi úshin Keńes Odaǵynyń Batyry ataǵy berilgen. Ol basqaratyn barlaýshylar toby Sendedre qalasynyń túbinde Dýnaı teńizi arqyly aralǵa jasyrynyp ótip, jaýdyń tý syrtynan soqqy berip, alty fashıst soldatyn tutqyndaǵan. Ekinshi kúni barlaýshylar toby osy aralǵa túnde taǵy shabýyl jasap, bul joly jaýdyń 70 jaýyngeri men rota komandırin, taǵy úsh ofıserin qolǵa túsirgen. Býdapeshtke baratyn negizgi joldy fashısterdiń baqylaýynan azat etip, Keńes áskeriniń Vengrııanyń aýmaǵyna qaraı erkin ótýine jol ashqan osy áskerı gvardııalyq quramnyń sarbazdary túgel marapattaldy. KSRO Joǵarǵy Keńesi Prezıdıýmynyń 1945 jylǵy 28 sáýirdegi Buıryǵymen Qojabaı Jazyqovqa Keńes Odaǵynyń Batyry ataǵy berildi. Onyń esimi Ýkraınanyń Poltava oblysy Lýbny qalasyndaǵy 25-shi gvardııalyq atqyshtar dıvızııasyna arnalǵan eskertkishke qashalyp jazylǵan. Ekinshi dúnıejúzilik soǵysta kórsetken erlikteri úshin «Erligi úshin» medali, «Qyzyl Juldyz», úshinshi dárejeli «Dańq», «Qyzyl Tý» jáne Lenın ordenderimen nagradtalǵan.
Soǵystan keıin Baıǵanın aýdanynda mektep muǵalimi bolyp jumys istep, bala tárbıeledi, urpaq ósirdi. Batyr 1982 jasynda ómirden ótken. Kezdesýge kelgen batyrdyń balalary– Balǵalı, Tamara, Laýra, Maqpal ákeleri týraly qyzyqty estelikterimen bólisti.
