Qala ákimi Murat Áıtenov Qarataý aýdanyna barǵan saparynda Tassaı turǵyn alabyndaǵy atalǵan óndiris oshaǵynyń jumys barysymen tanysty.
"RoboAvia" jeke kásiporny 2015 jyly qurylǵan. Zamanaýı joǵary tehnologııalyq ushqyshsyz ushý apparattaryn shyǵarý jáne paıdalaný boıynsha otandyq kásiporyn. Sondaı-aq, Qazaqstandaǵy robottandyrylǵan áýe quraldaryn basynan bastap shyǵaratyn jalǵyz kompanııa.
Seriktestiktiń basty basymdyǵy - "Sapsan -3000" apparaty. Elektr qozǵaltqyshtan qýat alatyn maqtaýly ushaq jumys barysynda 4-5 saǵat toqtaýsyz áýede qalyqtaıdy. Saǵatyna 110 shaqyrym jyldamdyqpen ushady. 40 shaqyrym gradýs aınalasynda operatorlarmen baılanysta bolady. Bul ónimge suranys óte joǵary.
Bul kásiporynda 38 adam turaqty jumyspen qamtylǵan. О́ndiris orny tolyq qýatynda jylyna 120 robottandyrylǵan ushaq shyǵarýǵa qaýqarly.
Drondy ushaqtardy paıdalanýdyń mańyzdy artyqshylyǵy – úlken aýmaqtardy naqty ýaqytta qaraý jáne avtomatty patrýldeý múmkindigi. Pılotsyz ushý apparattaryn bir kún paıdalanǵannyń ózinde 8000 gektardan asatyn aerofototúsirilim jasaýǵa bolady (ushý bıiktigi 1500 m). Sonymen qatar, bul ushaqtardan túsirilgen aerotúsirilim bıiktikten sýretke túsirýdiń barlyq ádisterinen áldeqaıda jaqsy. Bul ushý aparattary munaıdyń tógilýi men aǵyp ketýlerin anyqtaıdy, ınfraqurylym men kiretin joldardyń jaǵdaıyn taldaıdy. Aerofototúsirilim nátıjelerine súıene otyryp, olardyń kómegimen zańsyz munaı aıdaý, bóten kólikter men qurylymdar, zańsyz jerdi paıdalaný jáne basqa da ruqsat etilmegen is-áreketter anyqtaýǵa múmkindik beredi eken.
Alyp kásiporynnyń jumysymen tanysqan Shymkent qalasynyń ákimi ushqyshsyz apparattardyń múmkindigin paıdalana otyryp, barlyq salada tıimdi paıdalaný tustaryn zerdeleýdi jáne qoldaný qajettigin aıtty.
