Jalpyǵa ortaq oryndardyń qaýipsizdigin qamtamasyz etý maqsatynda Almatyda kireberisterdiń, balalar alańdary men aýla aýmaqtaryna aptasyna úsh ret dezınfeksııa júrgizý qyzmetine qaıta kiristi.
«Barlyq uıymdarda pandemııa bastalǵannan keıin dezınfeksııalyq tonnelder qoıyldy. Biz ony OSO-nan kórip júrmiz, kóptegen nysandarda sanıtaızerler, kvars shamdary ornatylǵan, olar tek qoǵamdyq oryndarda ǵana emes, sonymen birge qoǵamdyq kólikterde de bar. Osynyń bári karantın jaǵdaıynda kerek. Sondaı-aq, biz kireberister, balalar alańdary men kóshede dezınfeksııalyq jumystardyń júrgizilýin quptaımyz, sebebi epıdemııalyq jaǵdaıǵa baılanysty ol jumystardyń mańyzy zor», - dep atap ótti ol.
Sonymen birge, S.Sultanǵazıeva koronavırýstyń aldyn alýdyń negizgi sharalary týraly eske saldy jáne turǵyndardy sanıtarlyq-epıdemııalyq talaptardy saqtaýǵa shaqyrdy.
«Biz koronavırýs ınfeksııasyn juqtyrýdyń negizgi joly aýa tamshylary arqyly ekenin bilemiz. Sol sebepti qoǵamdyq oryndarda, kólikte betperde taǵyp, áleýmettik qashyqtyqty saqtaý – osynyń bári aldyn alý tásili bolyp tabylady. Naýqas adam túshkiredi, jóteledi, sonyń esebinen ol ınfeksııany basqalarǵa taratady. Birinshi kezekte, qaýip tobynda ımmýnıteti tómen adamdar, ıaǵnı, qarttar, balalar, basqa da aýrýlary bar jáne aýyr dertpen esepke alynǵan naýqastar bar», - degen ol koronavırýspen naýqastanǵandardyń 30 paıyzy qart adamdar ekenin aıtty. Osyǵan baılanysty ol 65 jastan asqan adamdardy tumaýǵa qarsy ekpe alýǵa, oqshaýlaný rejımin saqtap, koronavırýstyń aldyn alýdyń barlyq sharalaryn saqtaýǵa shaqyrdy.
ALMATY
