Jıynda qalalyq máslıhatqa usynylatyn partııalyq tizim bekitilip, oblystyq máslıhat pen Parlament Májilisine partııalyq tizimge pikirsaıysqa qatysýshy kandıdattar anyqtaldy. Sondaı-aq oblystyq partııa fılıalynyń kezekten tys ótetin HHVII konferensııasyna qatysatyn delegattar saılandy.
Sonymen, eń joǵary reıtıngisi bar praımerızge qatysýshylar qatarynan Qyzylorda qalalyq máslıhatyna 34 kandıdattan turatyn partııalyq tizim túzildi. Onyń quramyna qoǵam qaıratkerleri, azamattyq sektor, BAQ ókilderi kirdi.
Tizimdegi áıelderdiń úlesi 2,5 esege artyp, 15,7 paıyzdan 38,2%-ǵa deıin, al 35 jasqa deıingi jastar 10,5 ten 20,5%-ǵa deıin ósti.
Konferensııa barysynda oblystyq máslıhat pen májiliske partııalyq tizimge úmitkerler arasynda pikirsaıys ótti. Birinshi raýndta qatysýshylar ózderiniń saılaýaldy baǵdarlamalarynyń negizgi tezısterin tanystyrdy, ekinshi raýndta "suraq-jaýap" túrinde pikirtalas sessııasy ótti.
17 úmitkerdiń ishinen partııa músheleri "Praımerız" aqparattyq júıesi arqyly qalalyq kvotaǵa sáıkes 10 kandıdatty tańdady.
Sondaı-aq konferensııa barysynda qalalyq partııa fılıalynyń saılaýaldy baǵdarlamalary bekitildi.
Fılıal tóraǵasy, qala ákimi Nurlybek Nálibaev atap ótkendeı, partııanyń qalalyq saılaýaldy baǵdarlamasy praımerız aıasynda turǵyndardan túsken usynystardyń 82 paıyzy eskerilip jáne qalany damytýdyń negizgi 7 baǵyty boıynsha ázirlengen.
Eske sala keteıik, buǵan deıin "Nur Otan" partııasy óńirlik fılıaldardyń konferensııa kestesin jarııalaǵan bolatyn, onyń barysynda barlyq deńgeıdegi máslıhattarǵa partııalyq tizimder jáne ár óńirden Májiliske arnalǵan partııalyq tizimge kandıdattar anyqtalatyn bolady.
Partııaishilik irikteýdiń birinshi kezeńine 109 kandıdat qatysty. Onyń 30.2%-y – áıelder, 23.8%-y – 35 jasqa deıingi jastar. Bastaýysh partııa uıymdarynan kandıdattardyń 35.7%-y usynylsa, 64,3%-y – ózin-ózi usynýshylar.
