Jobany iske asyrýda jyl basynan bastap oblys kóleminde túrli formatta is-sharalar ótkizildi. Onlaın formatta ulttyq jáne sporttyq oıyn túrlerinen jarystar, baıqaýlar uıymdastyryldy.
"Asyl sóz" mektebi" baǵdarlamasy aıasyndaǵy oblystyq "Til mereıi" baıqaýyna 6 oqýshy qatysyp, baq synasty. Birinshi kezeńde oqýshylar Otan, til, patrıotızm taqyryptarynda esse jazdy. Ekinshi kezeńde qoıylymdyq mánerlep oqý saıysynda qatysýshylar qazaq aqyndarynyń shyǵarmasynan úzindi oqydy. Al, úshinshi kezeń "Sheshendik óner" saıysynda oqýshylar berilgen taqyryp boıynsha sóıleý sheberligin tanytty.
О́ńirlik baıqaýda qazylar qatarynda "Qoǵamdyq kelisim" KMM bólim basshylary Aıbek Daırabaı jáne Qanat Aqylbekov, ishki saıasat basqarmasy janyndaǵy tilderdi oqytý ortalyǵynyń oqytýshysy Balaýsa Tórebaı bolyp, tórelik etti.
Baıqaý barysynda ádil-qazylar qatysýshylardyń sóıleý mánerine, mátinniń beınelik júıesi men mazmundyq qurylymyna, akterlik sheberligine, tańdap alynǵan shyǵarmanyń ereksheligine mán berdi. Úsh kezeńniń nátıjesi boıynsha I dárejeli dıplomdy №233 orta mektebiniń oqýshysy Álııa Sharıpaeva, II dárejeli dıplomdy №3 IT mektep-lıseıiniń oqýshysy Alına Kım, III dárejeli dıplomdy №5 mektep-lıseıiniń oqýshysy Karına Cherepanova ıelenip, oblystyq Qazaqstan halqy Assambleıasy atynan baǵaly syılyqtarmen marapattaldy.
Irikteýden ótken oqýshylar alda Nur-Sultan qalasynda onlaın júıede ótetin "Myń bala" respýblıkalyq mádenı-aǵartýshylyq jobasynyń qorytyndy sharasyna qatysady.
