Almaty qalasynyń sanıtarlyq-epıdemııalyq baqylaý departamenti turǵyndardyń nazaryn koronavırýstyq ınfeksııany juqtyrǵandar qatarynyń edáýir óskenine aýdarady.
Sanıtarlyq-epıdemııalyq ahýal JRVI men tumaýdyń maýsymdyq ýshyǵýy saldarynan kúrdelene bastady. О́tken jyldyń osy kezeńimen salystyrǵanda jedel respıratorlyq vırýstyq ınfeksııany juqtyrǵan naýqastar qatarynyń 2,2 esege óskeni baıqalady.
Halyqtyń barlyq jastaǵy toptarynyń KVI aýrýyna shaldyǵý deńgeıiniń artýy erekshe alańdaýshylyq týǵyzýda. 22 qazannan bastap naýqastar sany kóbeıgen. Tek sońǵy táýlikte ǵana turǵyndar arasynda KVI juqtyrýdyń 77 oqıǵasy tirkelgen.
Adamdar kóp shoǵyrlanǵan oryndarda KVI juqtyrý saldarynan qoǵamda epıdemııalyq prosester órshı túsýde. Júrgizilgen epıdemıologııalyq saraptamalar nátıjesinde ınfeksııanyń 53%-ynyń qoǵamdyq kólikte, 23%-ynyń - úı jaǵdaıynda, 17% -ynyń qoǵamdyq oryndarda juǵatyndyǵy anyqtaldy.
Sondyqtan Almatynyń sanıtarlyq-epıdemıologııalyq qyzmeti qala turǵyndaryna profılaktıkalyq sharalardy saqtaýdy usynady. Birinshiden, adamdar kóp jınalatyn oryndardan, ásirese 65-ten asqan adamdardyń aýlaq bolǵany jón. Ekinshiden, maska taǵyp, qoǵamdyq oryndarda, mysaly, dúkenderde, dárihanalarda jáne t.b. áleýmettik araqashyqtyqty saqtaý qajet.
JRVI belgileri baıqalsa úıden shyqpaı, dárigerdi úıge shaqyrý kerek. О́zińizdi ózińiz emdemeńiz, balalardy jáne egde jastaǵy otbasy múshelerin jeke bólmede oqshaýlap, janashyr bolyńyz.
