Qazirgi ýaqytta júrek jaraqattary sırek kezdesedi ári ólimniń 70-80%-ǵa deıingi joǵary deńgeıine ákeledi. Almaty turǵynynyń aıtýynsha, janjal barysynda tanysy oǵan pyshaq suqqylaǵan. Ony óte aýyr jaǵdaıda, júrek aımaǵynda kóp qan ketip, tynys alýy qıyndaǵan, AQ tómen jáne tahıkardııamen jetkizdi.
- Mundaı jaǵdaıda naýqasqa jedel kómek kórsetý óte mańyzdy. Árbir mınýt sanaýly, - deıdi Onlasyn Ibekenov, JShKKA bas dárigeriniń hırýrgııa jónindegi orynbasary. - Er adam birden ota bólmesine jetkizildi. Shokqa qarsy sharalar aıasynda hırýrgtar toby torakotomııa otasyn jasady, ıaǵnı keýde qýysyn ashý arqyly hırýrgııalyq aralasý, sol jaq ókpeniń jaralary men júrek jarasyn tigý, qan ketýdi toqtatý jáne plevra qýysyn aǵyzýdy iske asyrdy.
Naýqas tórt lıtrge jýyq qan joǵaltty. Ota kezinde pasıent 11 doza qan men plazmany qabyldady.
"Sońǵy jyldary pyshaq jaraqattarymen túsken naýqastar sany azaıdy. Bul qaladaǵy qylmystyq ahýaldyń jaqsarýyna baılanysty. 90-jyldary, 2000-jyldardyń basynda pyshaq ne myltyq jaraqattary bolmaǵan kezekshilik sırek kezdesetin. Mereke jáne demalys kúnderi mundaı jaraqattarmen birneshe naýqas jetkiziletin", - dep atap ótti Onlasyn Ibekenov.
Bir jarym saǵattyq ota hırýrg, reanımatolog jáne otalyq bólim medısınalyq qyzmetkerleriniń úılesimdi jumysy nátıjesinde pasıent 10-shy kúni aýrýhanadan qanaǵattanarlyq jaǵdaıda shyǵaryldy.
Aýrýhana dárigerleri Almaty jedel járdem naýqastaryna kómek kórsetýdi jalǵastyryp keledi. Adamdardy qutqarý - olardyń kásibi. Aýrýhanada kúnine 35-ke jýyq ár túrli ota jasalady.
