«Bıýdjetke qatysý» jobasyna talaptanǵandar kóbeıdi

Qala turǵyndarynyń joba­lyq usynystarǵa daýys berý qalaı juzege asqanyn Almaty qa­lasynyń Strategııa jáne bıýdjet basqarmasy basshysynyń orynbasary Janar Jazyltaeva baıandady.

«Bıyl barlyǵy qala tur­ǵyn­dar­ynan quny 23,7 mlrd teńge bolatyn 796 joba túsken. Bul –  2019 jylǵy ótinimder sanynan 2 ese kóp. Nátıjesinde, 10,7 mlrd teńge somaǵa qala turǵyndarynyń 448 bastamasy daýys berýge jiberildi. Jobalardyń bireýin avtorlardyń bireýi qaıtaryp aldy, saıtta barlyǵy 795 joba bar. О́tken jyly barlyǵy 333 jobalyq usy­nys túsken. Biz eki esege deıin aı­tarlyqtaı óskenin kórip otyrmyz», dedi J.Jazyltaeva.

О́tinishterdiń basym bóligi abattandyrýǵa baǵyttalǵan: qu­ry­lys jáne trotýarlardy, pandýstardy, aryqtardy jóndeý, jalpyǵa ortaq oryndarda balalar jáne oıyn, sport alańdaryn ornatyp, jóndep, jaryqtandyrý. Sonymen qatar jaıaý júrginshiler aımaǵyn jóndeý, kúrkelerdi jóndeý jáne oryndyqtar men qoqys salǵyshtardy ornatýǵa qatysty usynystar engizildi.

Ruqsat etilmegen 281 joba­ǵa qatysty aıtar bolsaq, bul usy­nystardyń keri qaı­ta­ry­lýy­­nyń negizgi sebepteri – jo­ba­lyq usynystardyń sanattaryna sáıkes kelmeýi, jalpy qoldanystaǵy nysan bolmaýy. Sol sııaqty jobalyq usynys­tar­dy júzege asyrý aýdan ákimi apparattarynyń quzyrettiliginen tys bolǵan jaǵ­daı­da oryndalmaıdy. Buǵan qosa ýchaske jeke menshik, tur­ǵyn úı kesheniniń, baý-baqsha seriktestigi aýmaǵynda ornalassa jáne jeke kommersııalyq sıpatta bolsa qoldaý taba qoı­maı­dy.

Aıaqtalmaǵan 60 jobalyq usy­nys­qa qatysty aıtar bolsaq, olar avtorlary naqtylap, qaı­ta­dan ­óz usynystaryn engizýi úshin túzetýge jiberildi. Soǵan qaramastan, turǵyndardan joba­lyq qujattamasyn jasap, bolmasa qandaı da bir esep júrgizý talap etilmeıdi.

«Sarapshy komıssııa negizin­degi tıisti mamandar kómek kór­se­­tedi.Turǵyndardy una­ǵan jo­ba­larǵa daýys berýge shaqy­ra­myn. Jaqsy jobalardyń kóp eke­nin atap ótkim keledi. Bıyl kelip túsken usynystar sany kóp boldy, aýdandar boıynsha belsendilik aıtarlyqtaı joǵary», deıdi Jazıra Jazyltaeva.

Turǵyndar eki tásilmen – onlaın jáne qaǵaz arqyly daýys bere ala­dy. Odan ári qorytyndysyn shy­ǵarý úshin daýys berý nátı­je­leriniń negizinde sarapshylar keńesi bıylǵy 25 qarashadan keshiktirmeı sheshim qabyldaıdy. Daýys berý nátıjeleri men sarapshy keńestiń sheshimi ákimdiktiń ınternet-resýrsynda, BAQ-da jarııalanbaq. Odan keıin jobalardy «Bıýdjetke qatysý» jobasynyń ákimshileri – aýdandyq ákimdikter júzege asyrady.

ALMATY