Aqtóbe oblysynyń TJD kezekshi-dıspetcherlik qyzmetine Hromtaý qalasynda bir qabatty úıde órt shyqqany, saldarynan gaz ballony jarylǵany týraly habarlama túskende, dereý aýdandyq órt sóndirý bóliminiń 10 órt sóndirýshisi men 2 tehnıkasy oqıǵa ornyna jetken.
TJM resmı ókili Talǵat Ýálıdiń habarlaýynsha, úı birden órtenip, jalyn 90 sharshy metrdi qamtyǵan. Kirpishten salynǵan bir qabatty úıdiń bir qabyrǵasy tutas opyrylyp, qulaǵan. Soǵan qaraǵanda, áýeli gaz ballony jarylyp, sonyń saldarynan úıdiń ishi birden otqa oranǵan syńaıly.
«О́rt saǵat 12.29-da tolyq sóndirildi. Oqıǵa kezinde 9 adam, onyń ishinde 3 bala zardap shekti. Balalar – 6 jáne 7 jasta, kishkentaıy jańa týǵan náreste. Olardy kúıik shalmaǵan. Qazir Hromtaý qalalyq ortalyq aýrýhanasy dárigerleriniń baqylaýyna alyndy», – dep jazylǵan Tótenshe jaǵdaılar departamentiniń habarlamasynda.
AQTО́BE
