Megapolıste jalǵasyp jatqan karantındik sharalar dástúrli júgiristerdi ótkizýge múmkindik bermeıdi. Sol sebepti, jarysty uıymdastyrýshy «Birinshi bolý – batyldyq» korporatıvtik qory is-sharanyń jańa, erekshe formatyn oılap tapty. Jarysqa qatysýshylardyń tańdaýyna qalanyń 4 tanymal júgirý orny usynyldy. Bular – QR Tuńǵysh Prezıdenti atyndaǵy saıabaq, Saıran kóliniń saıabaq aımaǵy, Baým atyndaǵy toǵaı, «Atakent» QIYO saıabaǵy.
Qatysýshylar bastalý ýaqyty men ornyn ózderi tańdady. Belgili bir marshrýt bolǵan joq. Tańdalǵan saıabaqtyń aýmaǵynda tolyq qashyqtyqty júgirip ótý qajettiligi mańyzdy shart boldy. 4 shaqyrymnan 6 shaqyrymǵa deıingi qashyqtyq tipti jańa bastaǵan júgirýshilerdiń de qatysýyna múmkindik berdi.
Jarys sońynda, barlyq «jarys qaharmandary» anyqtalyp, marapattaldy. 4 qashyqtyqtyń árqaısysynda eń jyldam bolǵan úsh er adam men úsh áıel adamǵa madaqtamalar men baǵaly syılyqtar berildi.
– Bıyl biz onlaın-jarystar ótkizýde mol tájirıbe jınadyq, – deıdi «Jarys qaharmanynyń» uıymdastyrýshysy Saltanat Qazybaeva. – Biz sportpen aınalysý úshin tek motıvasııa men nıet kerek ekenin kórsettik. Búkil Qazaqstan boıynsha myńdaǵan júgirýshi bizdiń onlaın-júgiristerge qatysty. Adamdarǵa sport, maqsat kerek. Mundaıda jarystar kómektesedi. 2021 jyly dástúrli jarystar ótkize alamyz dep úmittenemiz. Búginde densaýlyq pen myqty ımmýnıtet – bizdiń basty baılyǵymyz. Bul, sportpen shuǵyldaný jáne salaýatty ómir saltyn ustaný arqyly júzege asyrylady.
Uıymdastyrýshylar onynshy mereıtoılyq «Almaty marafonyna» daıyndyqty bastap ta ketti. Jyldyń kópten kútken sporttyq is-sharasy 2021 jyldyń 11 sáýirine josparlanǵan. Tirkelý rásimi 2021 jyldyń qańtar aıynda ashylady.
ALMATY
