Osylaısha Jomart Ertaevtan Bank RBK paıdasyna "Petroleým Treıd" JShS qaryzy boıynsha 3, 655 mıllıard teńge jáne osy somadan 109,6 mıllıon teńge mólsherindegi memlekettik bajdyń 3 paıyzyn óndirý týraly sheshim qabyldandy. Jalpy somasy 3,764 mıllıard teńge.
Qalǵan zardap shekkenderge Ertaev endi 17,021 mıllıard teńge qaıtarýy kerek.
Sondaı-aq Ertaev Qazaq Banki aksıoneri Bahyt Ibragımmen birge 39,6 mıllıard teńge qaıtarýǵa mindetteldi.
Aıta keteıik, ázirge úkim zańdy kúshine engen joq.
Eske salaıyq, Almaty qalasynda Jomart Ertaevtyń 11 jylǵa sottalǵany habarlanǵan edi. Bank RBK-dan 144 mıllıard teńge jymqyrý isine qatysty sot ótken jyldyń aıaǵynda bastalǵan bolatyn. Tergeý derekterine súıensek, qylmys 2011-2017 jyldar aralyǵynda jasalǵan. Qylmystyq is 46 epızod jáne 700 tomnan turady. Aıyptaý aktisinde 3600-dan asa paraqsha bar.
