1 275 mınýt
Fýtbol shejiresinde eń senimdi qaqpashy atanǵan «Atletıko» (Madrıd) komandasynyń qaqpashysy Eıbl Resıno (sýrette) úlken jarystarda 1275 mınýt boıy óz qaqpasyna birde-bir dop jibermegen.
Alyp qaqpashy
Aǵylshyn quramasynyń burynǵy qaqpashysy Vıllı Genrı Fýlktyń boıy 190 sm, salmaǵy 165 kg bolǵan. Birde ol baıqaýsyzda óz qaqpasynyń joǵary kóldeneń shtangasyn syndyryp alyp, oıyn ýaqytsha toqtatylǵan.
199 854 kórermen
Rıo-de Janeıro qalasynyń «Marakana» stadıonynda ótken Brazılııa men Ýrýgvaı fýtbol komandalarynyń oıynyn (álem chempıonaty) 199 854 kórermen tamashalaǵan.
Eń kóp tártip buzǵan oıyn
Eń kóp tártip buzǵan oıyn 1993 jyly 1 maýsymda Paragvaıda ótken. Tóreshi 20 fýtbolshyny alańnan qýýǵa májbúr bolǵan eken.
36 gol
1885 jyly 5 qyrkúıekte Shotlandııa kýbogy úshin saıysta «Arbroýt» komandasy qarsylasynyń qaqpasyna («Bon Akkord» komandasy) 36 dop engizip, rekord jasaǵan.
Bir ózi – 16 goldyń ıesi
«Resıng Klab de Lans» komandasynyń shabýylshysy Stefan Stanıs «Obrı-Astıýrı» komandasymen kezdesý kezinde bir ózi 16 dop engizip, rekord jasaǵan.
Tórt ret het-trık
Japondyq «J» lıgasyndaǵy «Jýbıla Ivata» komandasynyń oıynshysy Masashı Nakaıama 4 kezdesýdiń árbirinde het-trık jasap, erekshe kózge túsken. Ol 1998 jyly 15 sáýirde «Serezo Osaka» qaqpasyna 5 gol, úsh kúnnen keıin «Sanfrekks Hıroshıma» qaqpasyna 4 gol, arada bir aptadan soń «Avıspa Fýkýoka» qaqpasyna taǵy da 4 gol, 29 sáýirde «Konsadole Sapporo» qaqpasyna 3 gol engizip jerlesterin tańǵaldyrǵan.
