Búgingi tańda oblystyq polısııa departamentiniń kınologııa ortalyǵynda 28 qyzmettik ıt bar. Ortalyqta 12 kınolog jumys isteıdi. Al oblys boıynsha polısııa organdarynda 71 ıt qyzmet etedi. Iisshil ıtter joǵalǵan, qashqan adamdardyń sońynan iz kesip, jarylǵysh zattardy, sondaı-aq esirtki zattaryn izdeýge úıretilgen.
"Qyzmettik ıtter odorologııalyq sáıkestendirýge, ıaǵnı ıisterdi zertteýge kómektesedi. Sonymen qatar, joǵalǵan adamdardy tabýǵa, qylmystyń izin sýytpaı ashýǵa kómektesedi", deıdi kınolog-mamandar.
Bıyl Qostanaı oblysynda kınologııalyq qyzmet mamandary qyzmettik ıtterdiń kómegimen esirtki jáne jarylǵysh zattardyń ıisin ajyratý boıynsha 5489 zertteý jumysyn júzege asyrǵan.
Qostanaı oblysy
