Baıqaýda 2020 jyldyń basynan bastap shyqqan qazaq jáne orys tilderindegi barlyq materıaldar qaralatyn bolady. Jeńimpazdar kelesi atalymdar boıynsha eki tildik sanatta bólek anyqtalady:
- «Úzdik sıýjet»;
- «Úzdik suhbat»;
- «Úzdik derekti materıal»;
- «Úzdik vızýaldy ónim»;
- «Áleýmettik jelilerdegi úzdik jarııalanym»;
- «Úzdik analıtıkalyq maqala»;
- «Úzdik fotoreportaj»;
- «Úzdik jańalyqtar materıaly»;
- «Úzdik beınematerıal»;
- Arnaıy nomınasııa – «Qalanyń COVID-19-ǵa qarsy kúresi týraly úzdik materıal».
Konkýrsqa jýrnalısterdiń nemese blogerlerdiń ózderi usynǵan nemese Qazaqstanda tirkelgen BAQ redaksııasy jibergen materıaldar qabyldanady.
Konkýrstyq jumystardy jýrnalıstıka jáne medıa salasynyń sarapshylarynan quralǵan táýelsiz komıssııa baǵalaıdy. Baıqaý jeńimpazdary ár sanat boıynsha baǵaly syılyqtarmen jáne maqtaý qaǵazdarymen marapattalady.
Jumys konkýrsyna qatysý úshin ótinimdi (ótinish berýshiniń tegi, aty, ákesiniń aty nemese ataýy, materıaldyń elektrondyq nusqasy jáne materıalǵa silteme, atalym, baılanys derekteri) bıylǵy jyldyń 27 qarashasyna deıingi merzimde О́ńirlik kommýnıkasııalar qyzmetiniń info@rsk.almaty.kz elektrondyq mekenjaıyna «konkýrsqa qatysý úshin» belgisimen jiberý qajet. Saraptamalyq komıssııanyń quramyna kirýge nıet bildirgender de(komıssııa múshesi konkýrsqa qatysý úshin óz jumystaryn jibere almaıdy) «konkýrstyq komıssııa úshin»degen belgimen kórsetilgen merzimde ótinimdi (medıasalaǵa qosqan úlesin jáne jumys tájirıbesin kórsete otyryp) joldaı alady.
