Onlaın-kezdesýde túrli óńir turǵyndary mınıstrge qorshaǵan ortanyń lstanýy, balyq sharýashylyǵynyń damýyndaǵy kedergiler jáne qaldyqtardy suryptaý, ekologııalyq bilim máseleleri boıynsha suraqtar qoıdy.
"Turǵyndardyń belsendi azamattyq pozısııasy óte mańyzdy. Tabıǵı resýrstardy qorǵaý jumysyna jalaqy alatyn ınspektorlar men qoryqshylardyń ǵana emes, jekelegen azamattardyń atsalysyp jatqanyna biz alǵys bildiremiz. Eriktiler ınstıtýtymen de belsendi jumys isteımiz. Olar mınıstrlikke jergilikti jerlerdegi problemalardy jetkizip otyrady", dep atap ótti Maǵzum Myrzaǵalıev qabyldaý barysynda.
Qaraǵandy qalasyndaǵy "EKO Plast kz" ekologııalyq kompanııasynyń ókili Vadım Asheýlev qatty turmystyq qaldyqtardy suryptaý boıynsha atqaryp jatqan aǵartý jumystary týraly baıandap, ekologııalyq mádenıetke úles qosýǵa daıyn ekendigin jetkizdi.
Pavlodar oblysy Aqsý aýdanyndaǵy balyq sharýashylyǵy ókilderi jergilikti atqarýshy organdar tarapynan keltiriletin kedergilerdi aıtyp, shaǵym bildirdi. Sonymen birge saladaǵy maman jetispeýshiligi men balyq ónimderin ótkizý problemalary boıynsha kómek surady. О́z kezeginde Maǵzum Myrzaǵalıev balyq sharýashylyǵy boıynsha óńirlik baǵdarlama daıyndalyp jatqanyn, jeltoqsan aıynda Eldik baǵdarlama daıyn bolatynyn aıtty.
Batys Qazaqstan oblysynyń turǵyny Alekseı Svechnıkovtiń óńirdegi ekologııalyq ahýal boıynsha shaǵymyn tyńdaǵan mınıstr aldaǵy ýaqytta Reseı Federasııasynyń tıisti vedomstvolarymen birlesken sharalar qabyldanatynyn habarlady.
"О́kinishke qaraı Batys Qazaqstan oblysynda ekologııalyq jáne sý resýrstary problemalary qazir óte ózekti. Onymen biz turaqty túrde aınalysyp kelemiz. Jaıyq ózeniniń problemasy boıynsha keshe RF Tabıǵı resýrstar mınıstri Aleksandr Kozlovpen sóılestim. Ekeýmiz osy máseleni talqylaý úshin kezdesýge kelistik", dedi Maǵzum Myrzaǵalıev.
