Baqytjan Saǵyntaev qala turǵyndarynyń suraqtaryna jaýap bere otyryp, 32 montorıngtik toptyń belgilengen shekteýlerdiń saqtalýyn qadaǵalaıtyndaryn eske saldy. 8 qazannan 17 qarasha aralyǵynda 444 reıd júrgizildi, onyń barysynda 3,6 myńǵa jýyq nysan tekserildi.
Tekserý barysynda 828 nysanda (22,5%) buzýshylyqtar anyqtaldy, 90 zańdy tulǵaǵa 28,7 mln teńge kóleminde 453 ákimshilik aıyppul salyndy. Maska rejımin buzǵan jeke tulǵalarǵa 15,5 mıllıon teńge aıyppul salynyp, 374 ákimshilik quqyq buzýshylyq hattama toltyryldy.
«Alda kúrdeli kezeń kútip tur, aýrý órshı túsetin bolady. Vaksına paıda bolǵansha biz sanıtarlyq-epıdemııalyq qaýipsizdik sharalaryn qatań saqtaýǵa tıispiz», - dep atap ótti B. Saǵyntaev.
Megapolıs ákimi oıyn saýyq jáne qoǵamdyq tamaqtandyrý salalarynda jumys isteıtin ShOB ókilderin osynaý kúrdeli kezeńde yntymaqtastyq tanytýǵa qadam jasaýǵa shaqyrdy.
«Eger biz birimizge-birimiz kómektespesek, shekten shyqqan zań buzýshylyqtar jalǵasady, ıaǵnı koronavırýs ınfeksııasyn juqtyrǵandar sany artatyn bolady. Sondyqtan almatylyq yntymaqtastyqty tanytyp, karantınge qatysty belgilengen jumys kestesin saqtaý qajet», - dep atap ótti B. Saǵyntaev.
