Aqsý ken alańy alty ken ýchaskesinen turady: Batys, Ortalyq, Staratelskıı, I Oktıabrskıı, II Oktıabrskııjáne Býdennovskıı.
"Altynalmas AK" AQ kúshimen Aqsý ken ornynyń II Oktıabrskıı alańynda ashyq taý-ken jumystary bastaldy. Karerdiń jobalyq qýaty jylyna 5 000 myń tonna ken jáne 36 040 myń tonna taý-ken massasy. 2020 jyldyń qorytyndysy boıynsha ken óndirý 260 myń tonnany quraıdy degen boljam bar. Al 2021 jyly jylyna 5 000 myń tonna ken óndiretin josparly óndiristik qýatqa shyǵý kózdelip otyr.
Paıdaly qazbalar jobanyń jeke altyn shyǵaratyn fabrıkasynda óńdeletin bolady, onyń qurylysy 2021 jyldyń 2-toqsanyna aıaqtalady dep josparlanǵan.
Ashyq taý-kenjumystaryn júrgizý úshin eń zamanaýı "HITACHI" 1900/2600 karerlik ekskavatorlary, "CAT" 777E karerlik júk túsirgishteri, "CAT" úlgisindegi tıeý mashınalary men býldozerler jumyldyrylǵan.
Qazirgi ýaqytta "Aqsý" jobasynyń shtatynda 95 qyzmetker jumyspen qamtylǵan. Joba tolyq óndiristik qýatqa shyqqan kezde jalpy shtat 754 adamdy qurap, 659 qosymsha jumys ornyn ashý jospary bar.
