Keńestiń jumysyna bilim jáne sport basqarmalarynyń, elektrondy densaýlyq saqtaýdyń Respýblıkalyq ortalyǵy óńirlik fılıaldarynyń, SQ «Farmasııanyń», memlekettik jáne jeke medısınalyq mekemelerdiń basshylary qatysty.
Elektrondy densaýlyq saqtaýdyń Respýblıkalyq ortalyǵy fılıalynyń dırektory G.Ysqaqovanyń aıtýynsha, 9 aıdyń qorytyndysy boıynsha densaýlyq saqtaýdy damytýdyń 2020-2025 jyldarǵa arnalǵan Memlekettik baǵdarlamasynyń negizgi kórsetkishteri júzege asty.
Atap aıtqanda, náresteler óliminiń koeffısıenti 1 myń tiri týylǵandarǵa shaqqanda 7,48-di qurady. 100 myń adamǵa shaqqanda 25,3 oqıǵany quraıtyn týberkýlez aýrýy 30%-ǵa tómendedi. Jol-kólik oqıǵalary saldarynan bolatyn ólim-jitim eki esege jýyq qysqaryp, 100 myń turǵynǵa shaqqanda 5,83 oqıǵany qurady.
«Jalpy alǵanda, Almatyda naýqastardyń medısınalyq kómektiń sapasyna qanaǵattanýy 51,6%, bul 2019 jyldyń osy kezeńimen salystyrǵanda 5,5% -ǵa joǵary», - dep atap ótti G.Ysqaqova. Ol buqarany dene shynyqtyrýmen jáne sportpen jappaı qamtý, ana óliminiń deńgeıin tómendetý, medısınalyq mekemelerdiń materıaldyq-tehnıkalyq bazalaryn jaqsartý úshin jumysty barynsha kúsheıtý qajettigin atap ótti.
Almatyda halyqqa 74 memlekettik medısınalyq uıym, 13 respýblıkalyq jáne ÁMSQ-men kelisimi boıynsha 89 jeke uıymdar medısınalyq qyzmetti kórsetedi. Bularda 8319 dáriger men 14613 orta medısınalyq qyzmetker jumys isteıdi.
О́z kezeginde ÁMSQ fılıalynyń basshysy T. Ábildaev qalalyq densaýlyq saqtaý sýbektileri men qor arasyndaǵy kelisimsharttyq mindettemelerdiń oryndalǵany týraly habarlady. Almatynyń qalalyq densaýlyq basqarmasy bastyǵynyń mindetin atqarýshy J. Madeeva bas dárigerlerdiń naýqastardy erte anyqtaý men emdeýdegi jumystaryn baǵalaýdyń nátıjeleri jáne medısınalyq mekemelerdi KVI pandemııasynyń ekinshi tolqynyna daıyndaý boıynsha qabyldanǵan sharalar týraly baıandady.
Almaty ákimi Baqytjan Saǵyntaev aýrýhanalar men emhanalardy pandemııamen kúreste jumys isteýge daıyndaý jónindegi is-sharalar josparynyń oryndalýyn baqylaýdy kúsheıtýdi tapsyrdy. Vırýstyń taralýyn boldyrmaý úshin sanıtarlyq-epıdemıologııalyq talaptardyń saqtalýyna jáne personal men naýqastardyń qaýipsizdigin qamtamasyz etýge erekshe nazar aýdarý qajet. Sonymen birge, qala ákimi medısınalyq mekemelerdiń birinshi basshylarynyń biliktiligin arttyrý, menedjerlik sheberlik pen sıfrlyq saýattylyqty damytý qajettiligine nazar aýdardy.
