Bul týraly keshe Jambyl oblysy ákimdigi dene shynyqtyrý jáne sport basqarmasynyń basshysy Nurbol Júnisbekov О́ńirlik kommýnıkasııalar qyzmetiniń aqparat alańynda ótken brıfıng barysynda baıandap berdi.
– Oblys boıynsha 2594 sport nysany turaqty túrde halyqqa qyzmet kórsetse, onyń ishinde, 23 dene shynyqtyrý-saýyqtyrý kesheni, 17 stadıon, 1 sport saraıy, 436 fýtbol alańy, 652 sport zal, 1429 sport alańshasy jáne 36 basqa da nysandar bar, – dedi spıker óz sózinde.
Sonymen qatar oblystyń bas sportshysy Nurbol Ábdimajıtuly halyqty sporttyq ınfraqurylymmen qamtamasyz etý arqyly dene shynyqtyrý jáne sportpen júıeli túrde shuǵyldanýshylar sanyn arttyrý maqsatynda arnaıy ındıkator engizilgenin, baǵdarlama aıasynda 2020 jyly 120 joba, onyń ishinde 13 dene shynyqtyrý saýyqtyrý keshenderiniń qurylysy, 2 nysanda kúrdeli jóndeý, 1 nysanda qaıta jańǵyrtý, 12 nysanda aǵymdaǵy jóndeý jáne 92 sport alańshasyn ornatý jumystary iske asyrylyp, nátıjesinde shuǵyldanýshylar sany 10 460 adamǵa artatynyna da toqtaldy.
Tarazdyń balmuzdaǵy
Oblys ortalyǵynda «Imperııa» JK balmuzdaq shyǵaratyn sehynyń qurylysy aıaqtalýǵa taıaý. Bul jobany júzege asyrýǵa jergilikti atqarýshy organdardyń qoldaýy kóp boldy.Jýyrda Jambyl oblysynyń ákimi Berdibek Saparbaev osy sehqa arnaıy baryp, tehnologııalyq jelimen tanysty. Seh basshysy Patohberdı Talıpov seh iske qosýǵa daıyn turǵanyn, ınfraqurylymdy júrgizý máselelerin sheshý qajet ekenin aıtty. О́ńir basshysy oǵan jan-jaqty qoldaý kórsetiletinine sendirdi. Ol kásipkerlik jáne ındýstrıaldy-ınnovasııalyq damytý basqarmasyna tıisti tapsyrma júktedi.
– «Bıznestiń jol kartasy-2025» baǵdarlamasy sheńberinde oblysymyzǵa aýqymdy qarjy bólinýde. Másele jobalardyń azdyǵynda bolyp otyr. Bıznes-ıdeıalardy qoldaý úshin barlyq múmkindikter bar. Tek máselelerdi der kezinde kótere bilý kerek, – dedi oblys ákimi.
Joba quny 800 mıllıon teńgeni quraıdy. Qýaty táýligine 8000 tonna tátti ónim shyǵarýǵa shaqtalǵan. Munda balmuzdaqtyń 30 túrin shyǵarý josparlanýda. Seriktestiktiń basqarýshy dırektory Rahat Áshimovtiń aıtýynsha, kásiporynda júzden astam jańa jumys orny ashylady dep kútilýde.
– Jazda úzdiksiz ónim óndirýge múmkindik bar, – deıdi ol.
О́nim shyǵarýǵa qajetti sút shıkizatyn jaqyn mańdaǵy sharýalardan alýǵa nıetti. Aıta keteıik, qazir «Imperııa» JK shujyqtar men kondıterlik ónimderdi saqtaýmen jáne tasymaldaýmen aınalysady.
Jambyl oblysy
