Ispanııa – shamamen 1,5 mıllıon adam koronavırýs ınfeksııasyn juqtyrǵan, 42,5 myńnan astam adam qaıtys bolǵan. El bıligi engizilgen shekteýlerdiń jumys isteıtinin málimdedi (komendanttyq saǵat jáne aımaqaralyq saparlarǵa shekteý). Memlekette sońǵy eki apta ishinde kúndelikti kórsetkishterdiń turaqty tómendeýi baıqalýda.
Gresııada, kerisinshe, koronavırýs ınfeksııasyn juqtyrǵandardyń sany ósýde. Salonıkıde, eldiń ekinshi úlken qalasynyń aýrýhanalarynda oryn qalmaǵan, densaýlyq saqtaý qyzmetteri tótenshe jaǵdaıda jumys isteýde, eń nashar ssenarııdiń oryn alýynyń múmkindigi joǵary degen qorqynysh ósýde.
Serbııada sońǵy aıda COVID-19 juqtyrǵandardyń sany kúrt óstýde. О́tken jumada koronavırýs ınfeksııasynyń 6200 - den astam jańa jaǵdaıy tirkeldi – bul bir aı burynǵyǵa kórsetkishke qaraǵanda 18 ese joǵary. Serbııa pravoslav shirkeýiniń basshysynyń COVID-19 qaıtys bolýyna baılanysty elde úsh kúndik ulttyq aza tutý jarııalanǵan.
Danııada fermerler men mal ósirýshiler bıliktiń koronavırýstyń basqa túriniń taralýyn toqtatý maqsatynda 15 mıllıon astam kúzendi joıý týraly sheshimine qarsylyqtaryn bildirýde.
