2013 jylǵy 23 qyrkúıek, Astana qalasy
Qazaqstan Respýblıkasynda temirjol kóliginde jol júrý qujattaryn (bıletterdi) satýdy uıymdastyrý qaǵıdalaryn bekitý týraly
«Temirjol kóligi týraly» Qazaqstan Respýblıkasy Zańynyń 14-baby 2-tarmaǵynyń 26-1) tarmaqshasyna sáıkes buıyramyn:
1. Qazaqstan Respýblıkasynda temirjol kóliginde jol júrý qujattaryn (bıletterdi) satýdy uıymdastyrý qaǵıdalary bekitilsin.
2. Qazaqstan Respýblıkasy Kólik jáne kommýnıkasııa mınıstrliginiń Kólik jáne qatynas joldary komıteti (E.N. Meıirbekov):
1) osy buıryqty zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýdi;
2) osy buıryqtyń Qazaqstan Respýblıkasy Ádilet mınıstrliginde memlekettik tirkelgennen keıin buqaralyq aqparat quraldarynda, onyń ishinde Qazaqstan Respýblıkasy Kólik jáne kommýnıkasııa mınıstrliginiń ınternet-resýrsynda resmı jarııalanýyn jáne memlekettik organdarynyń ınternet-portalynda ornalastyrylýyn;
3) Qazaqstan Respýblıkasy Kólik jáne kommýnıkasııa mınıstrliginiń Zań departamentine osy buıryq Qazaqstan Respýblıkasy Ádilet mınıstrliginde memlekettik tirkelgenen keıin 5 jumys kúni ishinde memlekettik tirkeý týraly jáne buqaralyq aqparat quraldarynda jarııalaýǵa jiberý týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Kólik jáne kommýnıkasııa vıse-mınıstri R.V. Sklıarǵa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr A.JUMAǴALIEV.
Qazaqstan Respýblıkasy Kólik jáne kommýnıkasııa mınıstriniń
2013 jylǵy 23 qyrkúıektegi № 742 buıryǵymen bekitildi
Qazaqstan Respýblıkasynda temirjol kóliginde jol júrý qujattaryn
(bıletterdi) satýdy uıymdastyrý qaǵıdasy
1. Jalpy erejeler
1. Qazaqstan Respýblıkasynda temir jol kóligimen jol júrý qujattaryn (bıletter) satýdy uıymdastyrý qaǵıdasy (budan ári - Qaǵıda) 2001 jylǵy 8 jeltoqsandaǵy «Temirjol kóligi týraly» Qazaqstan Respýblıkasy Zańyna sáıkes ázirlengen, al tasymaldaýshy nemese jolaýshy agenttigi jolaýshylarǵa jol júrý qujattaryn (bıletter) satýdy uıymdastyrý, qoldanysta bolý merzimin uzartý, paıdalanylmaǵan jol júrý qujattary (bıletter) úshin tólemderdi qaıtarý, jol júrý qujattaryn (bıletterdi) qaıta rásimdeý tártibin aıqyndaıdy.
2. Jolaýshy poıyzymen jol júrý úshin jolaýshynyń jol júrý qujatynyń (bılet) bolýy qajet, al tasymaldaýshy nemese onymen ókiletti organ-jolaýshy agenttigi jolaýshy kórsetken taǵaıyndalǵan stansııasyna deıin bos oryn bolǵan kezde jol júrý qujatyn rásimdeıdi.
3. Tasymaldaýshylar ózi qalyptastyratyn poıyzdarǵa, sondaı-aq jasalǵan sharttar negizinde basqa tasymaldaýshylar qalyptastyratyn jolaýshy poıyzdaryna jol júrý qujattaryn satýdy uıymdastyrady.
4. Jolaýshylar úshin barlyq satý pýnktterinde kórsetiletin qyzmetter týraly anyq aqparatpen qamtamasyz etiledi (kórneki jáne qoljetimdi túrde), sonyń ishinde:
jol júrý qujattaryn (bıletterdi) satqan kezde kórsetiletin qyzmetter tizbesi jáne olardyń quny;
jol júrý qujattaryn (bıletterdi) satý qyzmeterin kórsetetin zańdy tulǵa týraly málimetter;
jol júrý qujattaryn (bıletterdi) satý merzimderi;
satý pýnktiniń jumys ýaqyty.
5. Jolaýshy poıyzdaryna jol júrý qujattaryn satý jolaýshy tasymalyn basqarýdyń avtomattandyrylǵan júıesi (ABJ) termınaldarynyń (avtomattandyrylǵan tásil), elektrondyq satý júıeleriniń, ózine ózi qyzmet kórsetý avtomattarynyń (termınaldary), qol tehnologııasy boıynsha dıspetcherlik termınaldardyń (DTM) (avtomattandyrylmaǵan tásil), qala mańyndaǵy poıyzdarǵa bılet basatyn avtomattardyń (BBM) kómegimen júrgiziledi.
6. Temirjoldyq jol júrý qujattaryn (bıletterdi) satý kezinde tasymaldaýshylar jáne jolaýshy agenttikteri jolaýshylarǵa kelesi qyzmetterdi kórsetýge mindetti:
1) jol júrý qujattaryn (bıletterdi) satý;
2) jol júrý qujatynyń (bıletiniń) merziminiń qyzmet etý aralyǵynda;
3) paıdalanylmaǵan temirjoldyq jol júrý qujattaryn (bıletter) qaıtarý;
4) temirjoldyq jol júrý qujattaryn (bıletterdi) qaıta rásimdeý;
5) uıymdasqan jolaýshy toptaryn tasymaldaý úshin jol júrý qujattaryn rásimdeý.
7. Sondaı-aq, qosymsha qyzmetter usynylady, olarǵa aqy alynýy múmkin:
1) tapsyrystardy telefon boıynsha rásimdeý;
2) temirjoldyq jol júrý qujattaryn (bıletterdi) klıent talap etken jerge jetkizý.
8. Qosymsha qyzmetterdiń quny men túrleri týraly aqparat satý pýnktinde kórinetin jerde ornalastyrý, al qyzmetti telefon boıynsha kórsetken kezde tikeleı habardar etý arqyly jolaýshyǵa jetkizilýi tıis.
9. Jol júrý qujattaryn (bıletterdi) satý kelesi merzimderde:
jolaýshy poıyzdaryna, qaıta otyrǵyzýsyz qatynaıtyn vagondarǵa poıyzdyń qalyptastyrý nemese aınalym pýnktterinen poıyzd jóneltilgenge deıin 45 táýlikten bastap;
qala mańyndaǵy poıyzdarǵa poıyzd jóneltilgenge deıin 10 táýlikten bastap;
retteý rejımine nemese aralyq stansııasynan oryndardyń bolýyna qaraı 45 táýlikten bastap júzege asyrylady.
Jol júrý qujattaryn (bıletterdi) satý poıyzd jóneltilgenge deıin 5 mınýt qalǵanda toqtatylady.
10. Qaıta otyrǵyzýsyz qatynaıtyn vagondarǵa jol júrý qujattaryn (bıletterdi) satý:
osy vagondar taǵaıyndalǵan stansııaǵa nemese poıyzdyń negizgi marshrýtynan aýytqıtyn ýchaskede ornalasqan stansııalarǵa deıin baratyn jolaýshylarǵa – aldyn ala rejımde;
poıyzdyń negizgi marshrýtynan aýytqıtyn stansııaǵa deıin baratyn jolaýshylarǵa – poıyzd jóneltilgenge deıin 72 saǵat buryn júrgiziledi.
11. Barlyq stansııalarda ABJ-ǵa engizilgen jáne jolaýshy operasııalaryn oryndaý úshin ashyq kez kelgen stansııadan jol júrý qujattaryn (bıletterdi) rásimdeýge ruqsat etiledi.
12. Jolaýshynyń taǵaıyndalǵan stansııasyna deıin tikeleı poıyzd bolmaǵan kezde «kelisilgen» poıyzǵa jol júrý qujattaryn rásimdeýge jol beriledi.
Bul rette jol júrý qujattaryn (bıletterdi) satý oryndar bolǵan kezde jolaýshynyń osy stansııaǵa kelý men onyń osy stansııadan jóneltilýi ýaqyty arasynda kem degende 3 saǵat aıyrmashylyqtyń bolýyn eskere otyryp júzege asyrylady.
13. Bos oryndar bolǵan kezde jolaýshynyń jol júrý qujaty (bılet) satyp alynǵan poıyzdan buryn kele jatqan sol tasymaldaýshynyń jolaýshy poıyzymen jolǵa shyǵýyna jol beriledi. Bul rette jolaýshyǵa jol júrý qujatyn (bıletti) qaıta rásimdeý qajet.
14. Jóneltilýine 24 saǵattan kem qalǵan, buryn ketip bara jatqan poıyzǵa jol júrý qujattaryn (bıletterdi) jolaýshynyń tegin jáne aty-jónin ózgertpeı qaıta rásimdeý kelesi jaǵdaılarda:
1) poıyzdyń nómirin buryn ketip bara jatqan poıyzǵa aýystyrǵan kezde;
2) vagon úlgisi joǵary sanatqa aýystyrylǵan kezde;
3) poıyzdyń nómiri (buryn ketip bara jatqan poıyzǵa) men vagon úlgisi bir mezette aýystyrylǵan kezde;
4) bir vagondaǵy oryndar osyndaı úlgidegi basqa vagondaǵy oryndarǵa aýystyrylǵan kezde;
5) bir vagondaǵy orynnyń nómiri aýystyrylǵan kezde jol beriledi.
Bul rette jol júrý qujattaryn (bıletterdi) satý oryndar bolǵan kezde jolaýshynyń osy stansııaǵa kelý men onyń osy stansııadan jóneltilýi ýaqyty arasynda kem degende 3 saǵat aıyrmashylyqtyń bolýyn eskere otyryp júzege asyrylady.
15. Jol júrý qujattaryn (bıletterdi) qaıta rásimdeý Qazaqstan Respýblıkasy Úkimetiniń 2011 jylǵy 14 shildedegi №799 «Jolaýshylardy, bagajdy jáne júkbagajdy temirjol kóligimen tasymaldaý týraly» qaýlysymen bekitilgen Jolaýshylardy, bagajdy jáne júkbagajdy temirjol kóligimen tasymaldaý qaǵıdasynyń (budan ári - Qaǵıda) talaptaryna saı ázirlengen.
16. Temirjoldyq jol júrý qujattaryn (bıletterdi) satý kezinde kelesi operasııalar ishine kiredi: rásimdeý, qaıta rásimdeý, jol júrý qujattaryn (bıletterin) qaıtarý, tikeleı plaskartty rásimdeý.
17. Tasymaldaý qaǵıdasyna sáıkes, jol júrý qujatyn (bıletti) rásimdeý jolaýshynyń jeke basyn kýálandyratyn qujat bolǵan kezde ǵana júrgiziledi.
18. Jol júrý qujaty (bılet) qolma-qol aqsha nemese qolma-qol aqshasyz esep aıyrysý boıynsha beriledi.
19. Sapar jolynda aıaldamany rásimdeý, sapar jolynda aıaldamany toqtatýdy rásimdeý, jol júrý qujatynyn (bıletin) merzimin uzartý tasymaldaý qaǵıdasynda belgilengen sharttarǵa saı júrgiziledi.
20. Jol júrý qujaty (bılet) qaıta rásimdeýi tasymaldaý qaǵıdasynda belgilengen sharttarǵa saı júrgiziledi.
21. Jolaýshy agenttigi temirjoldyq jol júrý qujattaryn (bıletterdi) satý úshin temirjoldyq jol júrý qujattarynyń (bıletterdiń) qunyna kirmeıtin agenttik qyzmetter úshin tólemdi (servıstik alymdy), agenttik pýnktinde kórinetin jerde mundaı tólem týraly aqparatty ornalastyra otyryp, belgileýi múmkin.
22. Uıymdasqan jolaýshy toptaryn tasymaldaý úshin jol júrý qujatyn (bılet) satý tasymaldaý qaǵıdasynda belgilengen sharttarǵa saı júrgiziledi.
23. Paıdalanylmaǵan jol júrý qujattary (bıletter) úshin tólemderdi qaıtarý, tasymaldaý qaǵıdasynda belgilengen sharttarmen júrgiziledi.
24. Jol júrý qujattary (bıletter) memlekettik jáne (nemese) orys tilderinde rásimdeledi.
25. Jol júrý qujattarynda (bıletterde) óshirýlerge jol berilmeıdi. ABJ arqyly rásimdelgen jol júrý qujattarynda (bıletterde), eger júrý barysynda poıyzdyń nómiri ózgergen jaǵdaıda, aralyq stansııalarda bılet kassırine tek poıyzdyń nómirin ózgertýge jol beriledi.
2. Jol júrý qujattaryn (bıletterdi) avtomattandyrylǵan tásilmen rásimdeý tártibi
26. 2008 jylǵy 28-29 mamyrdaǵy Bishkek qalasyndaǵy Jol júrý qujattaryn (bıletterdi) rásimdeý belgilengen úlgidegi blankilerde TMD-ǵa qatysýshy memleketterdiń, Lıtva, Latvııa Respýblıkasynyń, Eston Respýblıkasynyń «Ekspress» ABJ paıdalaný tehnologııalyq prosesiniń erejelerine sáıkes 48 Májilis Keńesinde memleket qatysqandardan temirjol kóligi odaǵynyń bekitilimimen júrgiziledi.
27. Jol júrý qujattaryn (bıletterdi) «Ekspress» ABJ arqyly rásimdegen kezde málimetter osy júıege qosylǵan bılet basý qurylǵysymen basylady.
28. Jol júrý qujatyna (bıletke) kelesi mindetti aqparat:
poıyzdyń nómiri;
poıyzdyń jóneltiletin kúni men ýaqyty;
vagondaǵy ornyń nómiri;
vagonnyń klasy, tıpiniń shartty belgisi men nómiri;
plaskarttyń bıletiniń quny;
jolaýshylar sany;
jol júrý qujatynyń (bıletiniń) túri;
jóneltetin jáne taǵaıyndalǵan stansııanyń ataýy jáne olardyń kodtary;
tasymaldaý úshin tóleý formasy;
jol júrýdiń jalpy quny, sonyń ishinde tarıf pen alymdar, sonyń ishinde QQS;
jolaýshynyń jeke málimetteri: tegi jáne atynyń birinshi áripteri, ákesiniń aty (bar bolǵan jaǵdaıda);
qujattyń túri jáne jeke basyn kýálandyratyn qujattardyń derektemeleri;
taǵaıyndalǵan stansııasyna keletin kúni men ýaqyty;
qyzmettik aqparat.
Jeńildikti jol júrý qujatyn rásimdegen kezde kámeletke jasy tolmaǵan jolaýshylardyń jol júrýi úshin týýy týraly kýáliktiń serııasy men derektemeleri, sondaı-aq týǵan kúni, aıy jáne jyly qosymsha kórsetiledi.
29. Bir tulǵaǵa bir poıyzǵa tórt orynnan artyq jol júrý qujattaryn (bıletterdi) rásimdeýge jol berilmeıdi.
3. Jol júrý qujattaryn (bıletterdi) avtomattandyrylmaǵan tásilmen rásimdeý tártibi
30. Jol júrý qujattaryn (bıletterdi) qol tehnologııasymen (DTM arqyly) rásimdeý sharıkti qalammen (kók, qara nemese kúlgin sııamen), anyq, sózderdi qysqartpaı júzege asyrylady. Daıyn mátini bar mórqalyptardy qoldanýǵa jol beriledi.
31. Bir paraqta quramdas bólikteri bar blankini toltyrǵan kezde quramdas bólikterdegi aqparat (birdeı) para-par bolýy tıis.
32. Jol júrý qujatynyń (bılettiń) eki bóligindegi tıisti baǵandardy toltyrǵan soń jol júrý qunyna, vagon úlgisine, poıyzd sanatyna jáne jolaýshylar sanyna (toptyq jol júrý qujatynda (bılette) sáıkes blankiniń baqylaý talonyn kesý júzege asyrylady.
33. Bir tulǵaǵa bir poıyzǵa tórt orynnan artyq jol júrý qujattaryn (bıletterdi) rásimdeýge jol berilmeıdi.
4. Jol júrý qujattaryn (bıletterdi) elektrondyq satý júıeleri,
ózine ózi qyzmet kórsetý avtomattary (termınaldar) arqyly rásimdeý tártibi
34. Jol júrý qujattaryn (bıletterdi) elektrondyq jol júrý qujatyn berý jolymen ınternet, ózine ózi qyzmet kórsetý avtomattary (termınaldar), qala mańyndaǵy poıyzdarǵa bılet basatyn avtomattar (BBM) arqyly rásimdeýge jol beriledi.
35. Jol júrý qujattarynda (bıletterinde) tasymaldaý qaǵıdasynyń 28-tarmaqshasyna sáıkes aqparat bolýy qajet.
36. Internet, ózine-ózi qyzmet kórsetý avtomattary (termınaldar), bılet basatyn avtomattar (BBM) arqyly rásimdelgen jol júrý qujattaryna (bıletterge) kelesi mindetti aqparat:
poıyzdyń nómiri;
poıyzd jóneltiletin kúni men ýaqytyn;
vagondaǵy ornyń nómiri;
vagonnyń nómiri men úlgisiniń shartty belgisi;
plaskarttyń quny;
jolaýshylar sany;
jol júrý qujatynyń (bıletiniń) túri;
jóneltetin jáne taǵaıyndalǵan stansııanyń ataýy jáne olardyń kodtary;
tasymaldaý úshin tóleý formasy;
jol júrýdiń jalpy quny, (sonyń ishinde) tarıf pen alymdar QQS;
jolaýshynyń jeke basynyń derekteri: tegi jáne aty men ákesiniń atynyń birinshi áripteri;
qujattyń túri jáne jeke basyn kýálandyratyn qujattardyń derektemeleri;
taǵaıyndalǵan stansııasyna keletin kúni men ýaqyty;
tapsyrystyń ıdentıfıkatory (qajet bolǵan kezde);
shtrıh kody (2D-barkod) (qajet bolǵan kezde);
qyzmettik aqparat basylady.
Buıryq Qazaqstan Respýblıkasynyń Ádilet mınıstrliginde 2013 jylǵy 29 qazanda Normatıvtik quqyqtyq kesimderdi memlekettik tirkeýdiń tizilimine №8853 bolyp engizildi.
