Aýdan ákimi Jansultan Táýkenovtyń aıtýynsha, karantın jaǵdaıyna qaramastan, aýdanda memlekettik baǵdarlamalar aıasynda tyń ınvestısııalyq jobalar iske qosylyp, jańa jumys oryndary ashylǵan.
«Bıznestiń jol kartasy-2025» baǵdarlamasyn júzege asyrý aıasynda osy jyldyń 9 aıynda Qostanaı aýdanynda 1 mlrd teńge qarjyǵa 26 jobaǵa nesıe berilip otyr. Mysaly, tobyldyq kásipker «avto bala kútýshi – balany avtokólikpen alyp júrý» jobasyn jasaýǵa grant utyp alǵan. Aýdan ákimi mundaı nesıeler kóbine júk tasymaldaýǵa, kókónis ósirý, saýdany damytý jáne jıhaz óndirisi boıynsha qyzmetti keńeıtýge berilgenin aıtady. Sonymen qatar Qostanaı aýdanynda kásipkerlikti qoldaýdyń oblystyq kartasyna engen jobalar sátti júzege asyrylýda. Máselen, Jýkov aýylynda broıler etin óndiretin agroónerkásiptik keshen, Sadovyı aýylynda sút fermasy jáne sút óńdeý jáne irimshik óndirý sehy salynyp jatyr. Al Tobyl qalasynda osy jyldyń sońyna qaraı qoqysty suryptaý kesheni iske qosylady.
Bolashaq ınvestısııalyq jobalarǵa kelsek, 2022 jyly Ýlıanov aýyldyq okrýginde qus sharýashylyǵy qaldyqtarynan organıkalyq tyńaıtqyshtar óndirisin iske qosý josparlanyp otyr. Jobanyń quny – 450 mln teńge, al 2030 jylǵa qaraı Tobyl qalasynda qýaty jylyna 360 myń tonna et óndiretin jáne maldy qoldan uryqtandyratyn kásiporyn iske qosylýy tıis. Jobanyń quny 1 mlrd teńgege jýyqtaıdy. Jel elektr stansasy 2021 jyldyń birinshi jartyjyldyǵynda iske qosylady dep josparlanyp otyr. Munda 2018 jyldan beri jumys júrip jatyr. Generatorlardyń qajetti bólshekteri Reseı Federasııasy men Qytaıdan ákelinip qoıylǵan. Qazir jumysty «Jel elektrık» JShS jalǵastyrýda. Jobanyń jalpy quny 18,7 mlrd teńgege baǵalanyp otyr. Qazir jel stansasynyń irgetastary ornatylyp jatyr.
Kásiporyn basshylyǵynyń aıtýynsha, jańa elektr stansasynyń qurylysy 2021 jyldyń birinshi jartyjyldyǵyna deıin aıaqtalady.
Aýdanda bıyl «Qarapaıym zattar ekonomıkasy» baǵdarlamasy tıimdi júzege asyrylyp jatyr. Baǵdarlama aıasynda Qostanaı aýdanynda jylqy ósirý, maıly daqyldar, dándi jáne dándi-burshaqty daqyldar tuqymdaryn ósirý, un tartý, jarma ónerkásibi ónimderin óndirý boıynsha toǵyz joba qarjylandyrylyp, olarǵa jalpy kólemi 1,5 mlrd teńge bólingen. О́tinimderdi qabyldaý áli de jalǵasýda. Sonymen qatar aýdanda «Jumyspen qamtýdyń jol kartasy» baǵdarlamasy aıasynda 28 jobany iske asyrýǵa 4,3 mlrd teńge bólinip otyr. Mysaly, bilim berý salasynda 4 nysanǵa kúrdeli jóndeý júrgizýge, 2 nysandy aǵymdaǵy jóndeýden ótkizý jumystaryna 1,3 mlrd teńge qarastyryldy. Eki mádenıet oshaǵyna aǵymdaǵy jóndeý jumystary júrgizilip, oǵan jalpy somasy 111,2 mln teńge jumsaldy. Baǵdarlamanyń sharapaty sport salasyna da tıip otyr. Mysaly, Zarechnyı aýylynda 71,5 mln teńgege stadıon salyndy. TKSh salasynda jalpy somasy 2,6 mlrd teńgege 19 nysanǵa jóndeý jumystary júrgizilgen. Sonymen qatar bıyl Altyn Dala aýylyna ortalyqtandyrylǵan sý qubyry tartyldy.
– «Jumyspen qamtýdyń jol kartasy» baǵdarlamasyn júzege asyrý barysynda bıyl 1177 jańa jumys oryndary quryldy, onyń ishinde halyqty jumyspen qamtý ortalyǵy arqyly 605 adam jumysqa ornalastyryldy. Baǵdarlama sharttary boıynsha jumysqa ornalasý kezinde jumyssyz jastarǵa basymdyq beriletini eskerile otyryp, jobalarǵa 29 jasqa deıingi jastar sanatynan shamamen 241 adam tartyldy, – dedi aýdan ákimi Jasulan Táýkenov.
«Aýyl – El besigi» baǵdarlamasy sheńberinde Qostanaı aýdanyna qarasty Oktıabr aýylyndaǵy Sovhoz orta mektebine kúrdeli jóndeý, sondaı-aq Oktıabr aýylyndaǵy 2 kóshege jáne Shemınov aýylyndaǵy 4 kóshege ortasha jóndeý júrgizildi.
Oblystyq transfertter esebinen Tobyl qalasynyń, Mıchýrın jáne Maıkól aýyldarynyń kósheleri, Ozernaıa stansasynyń kireberisi men Shemınov aýylynyń birneshe kóshesi, Osınov, Abaı, Novoselov aýyldaryn jalǵap jatqan aýdandyq mańyzy bar kúre jol ortasha jóndeýden ótti.
«Eńbek» baǵdarlamasynyń tıimdi júzege asyrylýy Qostanaı aýdanyndaǵy jumyssyzdyq deńgeıin azaıtyp qana qoımaı, turǵyndardyń jeke bıznesin keńeıtýine nemese jańa kásip ashýyna mol múmkindik berip otyr. Bıyl atalmysh baǵdarlama aıasynda aýdannyń 2657 turǵyny ýaqytsha, turaqty jumys oryndarymen qamtylyp otyr.
Baǵdarlamanyń ekinshi baǵyty - «Bastaý Bıznes» jobasy boıynsha 113 adam oqýǵa jiberilip, 61 adam shaǵyn nesıe aldy. Sondaı-aq bıznes ıdeıalardy iske asyrý maqsatynda 81 grantqa 45,004 myń teńge qarjy bólinip otyr. Baǵdarlamanyń úshinshi baǵyty boıynsha 34 adam áleýmettik jumys oryndaryna ornalastyrylsa, jastar praktıkasyna 52 adam, qoǵamdyq jumystarǵa 202 adam jiberilgen. Bıyldyń ózinde jumyspen qamtý ortalyǵy arqyly aýdannyń 1377 turǵyny turaqty jumysqa ornalasty.
QOSTANAI
