– Bıdaı baǵasynyń turaqsyzdyǵy keıbir azyq-túlik baǵalarynyń ózgerýine áser etýde. Baǵa kóterilmeýi úshin burynǵydaı bıdaıdyń memlekettik qoryn jınaqtaý jolyn qarastyrý qajet, – dedi ol.
Qazirgideı qaýipti indet qos búıirden qysyp turǵan ýaqytta kópshilik úshin kúndelikti tutynatyn taýar baǵasynyń turaqtylyǵy óte mańyzdy. О́kinishke qaraı, bir jyl ishinde qaraqumyq – 33 paıyzǵa, ósimdik maıy – 13,9, sábiz – 14,9, kartop – 16,1 paıyzǵa, sary maı baǵasy – 11,5 paıyzǵa qymbattaǵan. Osylaısha atalǵan ónimderdiń jyldyq ósim dınamıkasy ınflıasııaǵa ushyrady.
О́tken aptada ǵana taýyq jumyrtqasy – 2,1, kúnbaǵys maıy 1,9 jáne qyryqqabat baǵasy 1,2 paıyzǵa kóterilgen. Taýar baǵalary ne sebepti qymbattaǵanǵa keler bolsaq, buǵan syrtqy naryqtaǵy kúnbaǵys dáni, qyryqqabat jáne taýyq jumyrtqasy sııaqty taýarlardyń ımporty áser etken. Jergilikti turǵyndardyń áleýmettik jaǵdaıyn eskere otyryp, oblys ortalyǵyndaǵy 12 saýda ornynda áleýmettik sóreler arnaıy ashylǵan. Bul jerde azyq-túlik baǵasy arzan baǵada saýdalanady.
Budan bólek, Taraz qalasyndaǵy 7 dúńgirshek turaqty jumys isteıdi. Munda jyl basynan beri halyqqa 11 áleýmettik taýar túri naryq baǵasynyń 8-20 paıyzǵa tómen baǵada berilgen. Saýdalanǵan taýarlardyń jalpy kólemi 954,3 tonnany quraıdy.
Búginde oblystaǵy turaqtandyrý qorynyń qoımasynda 2273,6 tonna áleýmettik azyq-túlik taýary bar. Qoımadaǵy azyq-túlik turǵyndardy qamtamasyz etýge arnalǵan. Onyń ishinde forvardtyq kelisim boıynsha 320 tonna nan, 398 myń dana taýyq jumyrtqasy, 3,2 tonna tuz, 700 tonna qant, 22 tonna taýyq eti, 10 tonna sút, sondaı-aq 428,3 tonna kartop, 332 tonna pııaz jáne 191 tonna sábiz bosatylatyn bolady.
– Qazirgi kezde turaqtandyrý qorynyń esebinde 837,3 mıllıon teńge qarajat bar. Onyń 154 mıllıon teńgesin qarasha aıynan bastap aınalymǵa qosyp, saýda jelileri men taýar óndirýshilerge nesıe retinde berip otyrmyz. Qazir koronavırýs indeti halyqty qyspaqqa alýda. Sondyqtan da qıyn kezde qarapaıym turǵyndarǵa salmaq túspeý úshin baǵalardyń negizsiz ósýine jol bermeý kerek. Bul maqsatta Taraz qalasynyń negizgi 12 iri saýda ornynda baǵalardy monıtorıngileıtin 4 mobıldik top jasaqtaldy, – deıdi Jandos Jaqypov.
Jambyl oblysy
