Buǵan deıin Hill gazeti Baıdenniń memlekettik hatshy qyzmetine kimdi taǵaıyndaıtynyn habarlap, bul laýazymǵa Blınken otyrýy múmkin ekeni aıtyldy.
ABC News telearnasy jáne Blýmberg agenttigi de Blınkenniń memlekettik hatshy laýazymyna taǵaıyndalatyny týraly aqparatty jarııalady. Sondaı-aq, agenttiktiń málimetinshe, Hılları Klıntonnyń burynǵy kómekshileriniń biri Djeık Sallıvan prezıdenttiń ulttyq qaýipsizdik jónindegi kómekshisi bolady.
Jergilikti BAQ jańa taǵaıyndaýlar týraly seısenbi kúni jarııalanatynyn habarlady.
Derekkóz málimetinshe, Baıdenniń kómekshisi Ron Klaın Aq úıdiń apparat basshysy bolyp taǵaıyndalýy múmkin. Buǵan deıin ol kabınettiń birinshi músheleri týraly taǵaıyndaý seısenbi kúni jarııalanatynyn málimdegen.
Al Blınken buryn memlekettik hatshynyń birinshi orynbasary bolǵan. Sondaı-aq memlekettik hatshy laýazymyna kandıdat retinde senatorlar Krıs Kýs pen Krıs Merfı, memlekettik hatshynyń burynǵy birinshi orynbasary jáne AQSh-tyń Reseıdegi elshisi Ýılıam Berns, sondaı-aq prezıdent Barak Obamanyń qaýipsizdik jónindegi burynǵy keńesshisi Sıýzan Raıs ta bar.
