Álem • 23 Qarasha, 2020

Abaıdyń "Qara sózderi" Saýd Arabııasynyń astanasynda oqyldy

9 ret kórsetildi

Hákim Abaı Qunanbaıulynyń shyǵarmalaryn Saýd Arabııasynda keńinen nasıhattaý aıasynda Rııad qalasynda Qazaqstan Elshiligi men saýdtyq Zertteý jáne mádenıetaralyq bilim ortalyǵy birlese otyryp, L.N. Gýmılev atyndaǵy Eýrazııa ulttyq ýnıversıtetiniń qoldaýymen arnaıy sımpozıým uıymdastyrdy.

Is-shara ashylýynda sóz sóılegen Elshi Berik Aryn Abaı Qunanbaıulynyń 175 jyldyǵyna oraı aqynnyń murasyn dáripteý jáne álemge pash etý maqsatynda elimizde jáne shet elderde ótken mańyzdy halyqaralyq is-sharalar týraly keńinen baıandap berdi. Osy aıtýly dataǵa oraı QR Tuńǵysh Prezıdenti – Elbasy Nursultan Nazarbaev «Abaı amanaty» jáne Memleket Basshysy Qasym-Jomart Toqaev «Abaı jáne HHI ǵasyrdaǵy Qazaqstan» atty aýqymdy maqalalarynda oı bóleskeni týraly aıtyp, olardyń qysqasha mazmunymen tanystyrdy.

О́z kezeginde saýdtyq Zertteý jáne mádenıetaralyq bilim ortalyǵynyń jetekshisi doktor Iаhıa Mahmýd ben Djýnaıd bul ıgi is-shara Abaıdyń shyǵarmalarymen saýd halqyn keńinen tanystyrý turǵysynda mańyzdy bastama bolǵandyǵyn erekshe atap ótip, mundaı sharalar eki el halyqtaryn jaqyndastyrýǵa, mádenı baılanystaryn nyǵaıtýǵa oń serpin beretinine senim bildirdi.

Ǵylymı-zertteý bóliminiń basshysy doktor Aıed Muhammad ál-Rabıa Saýd Arabııasy men Qazaqstan arasyndaǵy mádenı baılanystar týraly baıandama jasady. Al doktor Ámın Sýleıman Sıdo Orta Azııa elderinen shyqqan ál-Farabı, Ibn Sına jáne t.b. ǵulamalardyń ıslam órkenıetine qosqan orasan úlesine toqtalyp ótip, aqyn Abaıdyń shyǵarmashylyǵyndaǵy fılosofııalyq oılar men kórkem sóz sheberligi týraly óz oıymen bólisti. Mádenıet bóliminiń jetekshisi Saleh Zamanan Abaıdyń arab tilinde «Qara sózden» úzindini mánerlep oqyp, qatysýshylardyń zor yqylysyna bólendi.

Sonymen qatar, qazaqstandyq taraptan is-sharaǵa beıne baılanys arqyly qatysqan L.N. Gýmılev atyndaǵy Eýrazııa ulttyq ýnıversıtetiniń Shyǵystaný kafedrasynyń professory, Fılologııa ǵylymdarynyń doktory Samal Tóleýbaevanyń Abaıdyń Shyǵys pen Batys mádenı jetistikterin, áıgili álem oıshyldarynyń eńbekterin qazaq dalasyna tanystyrýdaǵy eńbegi tóńireginde, sondaı-aq professor Serik Negımovtiń Hákimniń aqyn shyǵarmalaryndaǵy Islam dininiń alatyn orny týraly jasaǵan baıandamalary saýdtyq zııaly qaýym tarapynan úlken qyzyǵýshylyq týdyrdy.

Is-shara sońynda qatysýshylar Abaı Qunanbaıulynyń 175 jyldyq mereıtoıyna oraı kúıshi Aıbek Bekbosynnyń arnaıy shyǵarǵan «Telqara» kúıiniń jáne ulttyq teatr ártisteriniń oryndaýyndaǵy «Kózimniń qarasy» óleńiniń beıne klıpterin tamashalady.

Sońǵy jańalyqtar

2020 jyly 936 myńnan astam adam AÁK aldy

Qazaqstan • Búgin, 12:47

Dollar qymbattady

Ekonomıka • Búgin, 11:35

Qazaqstanda elektr energııasy qymbattady

Qazaqstan • Búgin, 10:21

Qyrǵyzstanda eks-premer ustaldy

Álem • Búgin, 09:53

Pnevmonııadan 1 adam qaıtys boldy

Koronavırýs • Búgin, 09:22

Sartaı batyrdyń ashamaıy

Rýhanııat • Búgin, 08:07

«Bestikke» engen óńirdegi betburys

Aımaqtar • Búgin, 07:58

Qoǵammen baılanys qoldaý tapty

Qoǵam • Búgin, 07:56

Ekpe saldyrý – óz erkińizde

Medısına • Búgin, 07:54

Tarıh ǵylymynyń kóshbasshysy

Oqıǵa • Búgin, 07:54

Munaıly óńirge – myń doza

Medısına • Búgin, 07:52

Qyzylsha men qamys – óńdegenge tabys

Ekonomıka • Búgin, 07:41

Máskeý festıvaline barǵanda...

Tanym • Búgin, 07:40

DSU: О́tpeli kezeń aıaqtaldy

Ekonomıka • Búgin, 07:37

Áke jolyn jalǵar ul

Aımaqtar • Búgin, 07:35

Uqsas jańalyqtar