Búgingi kúnde tabysty jumys istep turǵan zaýytta Memleket basshysyna óndiris prosesi men óndiriste, qurylysta, keme, áýe kólikterin jáne avtomobıl jasaýda qoldanylatyn daıyn ónimder kórsetildi.
Kásiporynnyń aksıonerleri E.Nyǵmatýlın, A.Kemertelıdze jáne J.Appaz atalǵan jobanyń jergilikti jáne jahandyq suranysty qamtamasyz etetinin aıtty. Atap aıtqanda, munda óndirilgen ferrosılısııa Qazaqstannan bólek, Eýropa, Ońtústik Shyǵys Azııa, Soltústik jáne Ońtústik Amerıka elderiniń naryǵyna shyǵarylady.
Atalǵan zaýyttyń qýattylyǵy jylyna 180 myń tonna ónim óndirýge jetedi. Onda qoldanylatyn tehnologııa ferrosılısııa men ferromarganes óndirýge múmkindik beredi. Jobadaǵy otandyq ónimniń úlesi 95 paıyzdan asady.
Qasym-Jomart Toqaev óndiristi basqarý ortalyǵyn aralap kórip, «Qaz Qarbon» JShS-niń jańa jobasymen tanysty.
– Bul óte qajetti jáne jaqsy joba. Qutty bolsyn. Qazaqstandy ındýstrıalandyrýǵa qomaqty úles qosqanyn aıtpaǵannyń ózinde, el ekonomıkasynyń mańyzdy aktıvi sanalady. О́ndiristi jyldam kórip shyqtyq. Biraq buǵan qatysty úlken josparlarymyz bar. Baqylap, kómektesip otyramyz, – dedi Memleket basshysy.
Kásiporynnyń ónimi sapasy jaǵynan eń joǵary álemdik talapqa saı keledi. Pandemııa kezinde kompanııa ónimniń satylý aýmaǵyn 15 elge arttyryp, Qazaqstannyń eksporttyq áleýetin kóterýge úles qosty. Qazirgi tańda zaýyt óz ónimin álemniń 37 eline eksporttaıdy.
Kompanııa COVID-19 pandemııasynyń birinshi tolqyny kezinde jumys kestesin vahtalyq ádiske kóshirip, barlyq qajetti jaǵdaı jasaǵanynyń arqasynda qazirgi óndiris kólemin saqtap qaldy.
Kásiporyn jumysyna rızashylyq bildirgen Prezıdent eńbek ujymyna tabys tiledi.
