Алматыда "Кардиологияның жаңа көкжиектері: инновацияға бұрылу" конгресі өтті

Аймақтар • 23 Қараша, 2020

Алматыда "Кардиологияның жаңа көкжиектері: инновацияға бұрылу" конгресі өтті

19 рет көрсетілді

Алматыда 19-20 қарашада «Кардиологияның жаңа көкжиектері: инновацияға бұрылу» атты Қазақстан Республикасы кардиологтарының XII конгресі өтті.

Айнаш ЕСАЛЫ

Іс-шараның басты демеушісі – SANTO компаниясы «Гипертониядан жүрек жеткіліксіздігіне: дәрілік заттарды таңдаудағы басымдықтар өзгере ме?» сателлиттік симпозиумына Волгоград мемлекеттік медицина университетінің Кардиология және функционалдық диагностика кафедрасының меңгерушісі, Жүрек жеткіліксіздігі жөніндегі мамандар қоғамының басқарма мүшесі Ю.Лопатин (Ресей) мен PhD, Қазақстандағы Кардиология және ішкі аурулар ҒЗИ Кардиология және оңалту бөлімшесінің меңгерушісі, Жүрек жеткіліксіздігі жөніндегі Еуропалық қауымдастық президиумының мүшесі А.Рақышева сынды спикерлерді шақырды.

Сондай-ақ, ғылыми форумға Қазақстанның жетекші кардиолог ғалымдары мен белгілі шетелдік мамандар, кардиология мәселелерімен және жүрек-қан тамырлары ауруларымен айналысатын ғылыми қоғамдастықтар мен орталықтардың, институттардың, клиникалардың өкілдері мен өңірлік медициналық мекемелердің тәжірибелі дәрігерлері қатысты.

Биылғы қалыптасқан жағдайға байланысты, конгресс онлайн режімінде өтті (тіркеу және трансляция сайтта жүргізілді http://kzcardio.org/), бұл қатысушылардың көбірек қамтуға мүмкіндік берді.

Конгресс бағдарламасы өзекті тақырыптарды қарастырды, атап айтқанда, пленарлық отырыстар коронарлық қаупі жоғары пациенттерді кешенді қорғау мәселелеріне, қазіргі әлемнің жаһандық проблемалары аясында ЖҚА бар пациенттерді жүргізудің жаңа тактикаларына арналды.

Ғылыми симпозиум барысында спикерлер жүрекше фибрилляциясы бойынша жаңа ұсыныстармен сөз сөйледі, қатысушыларды созылмалы ЖИА бар пациенттерде тромбозға қарсы терапияның ерекшеліктерімен, ЖФ бар егде пациенттерді емдеуде теорияны практикада дұрыс пайдаланумен, ЕЅС 2020 ұсыныстарымен, заманауи ұсынымдар аясында статинотерапияның көрсетілімдерімен және қауіптерімен, жүрек жеткіліксіздігін емдеудің жаңа алгоритмімен таныстырды. Сондай-ақ, СЖЖ және 2 типті қант диабеті кезіндегі қауіптерді модификациялау мүмкіндіктері, 2 типті қант диабеті бар пациенттерде жүрек-қан тамырлары ауруларының алдын алу ерекшеліктері, қантты төмендететін терапияның перспективалары қарастырылды.

Конгресте профессор, Еуропалық жүрек ырғағы қауымдастығының президенті, Еуропалық кардиологтар қоғамы президиумының мүшесі, Ренн университетінің ауруханасының Кардиология және тамыр аурулары бөлімінің бастығы, Кристоф Леклерк (Christophe Leclercq), (Франция), профессор, РҒА корреспондент-мүшесі, ЕАТ Президенті, Н.И.Пирогов атындағы РҰЗМУ пропедевтика және ішкі аурулар кафедрасының меңгерушісі, РФ еңбек сіңірген дәрігері Григорий Арутюнов, (Ресей), профессор, Қазақстан кардиологтары қауымдастығының президенті, «С.Д.Асфендияров атындағы Қазақ ұлттық медицина университеті» КеАҚ Кардиология кафедрасының меңгерушісі, Еуропалық кардиологтар қоғамы президиумының мүшесі Сәлім Беркінбаев (Қазақстан) сынды отандық және шетелдік жетекші кардиологтар сөз алды.

«Жаңа форматтағы конгреске қатысу біз үшін үлкен мәртебе. Қатысушылар пайдалы біліммен алмасып қана қоймай, сонымен қатар қазіргі шындық жағдайында әріптестерімен кәсіби және достық байланыстарын нығайқанына сенімдіміз. Кардиология – біздің компанияның белсенді дамып келе жатқан стратегиялық бағыттардың бірі. Біздер жүрекке байланысты ауруларды емдеуге арналған тиімді дәрі-дәрмектерді өндірушінің беделін бағалаймыз. Біздің компанияның қоржынында импорттық, сондай-ақ Қазақстанда өндірілетін 13-тен астам кардиопрепараттар бар. Біз осы конгрестің серіктесі болғанымызды мақтан тұтамыз», – деді SANTO компаниясы дәрі қағазбен босатылатын препараттар бөлшек саудасы жөніндегі бөлім директоры Анна Фарленкова.

АЛМАТЫ

Күннің маңызды және өзекті жаңалықтарын «Егемен Қазақстан» телеграм каналынан оқыңыз