Is-sharanyń basty demeýshisi – SANTO kompanııasy «Gıpertonııadan júrek jetkiliksizdigine: dárilik zattardy tańdaýdaǵy basymdyqtar ózgere me?» satellıttik sımpozıýmyna Volgograd memlekettik medısına ýnıversıtetiniń Kardıologııa jáne fýnksıonaldyq dıagnostıka kafedrasynyń meńgerýshisi, Júrek jetkiliksizdigi jónindegi mamandar qoǵamynyń basqarma múshesi Iý.Lopatın (Reseı) men PhD, Qazaqstandaǵy Kardıologııa jáne ishki aýrýlar ǴZI Kardıologııa jáne ońaltý bólimshesiniń meńgerýshisi, Júrek jetkiliksizdigi jónindegi Eýropalyq qaýymdastyq prezıdıýmynyń múshesi A.Raqysheva syndy spıkerlerdi shaqyrdy.
Sondaı-aq, ǵylymı forýmǵa Qazaqstannyń jetekshi kardıolog ǵalymdary men belgili sheteldik mamandar, kardıologııa máselelerimen jáne júrek-qan tamyrlary aýrýlarymen aınalysatyn ǵylymı qoǵamdastyqtar men ortalyqtardyń, ınstıtýttardyń, klınıkalardyń ókilderi men óńirlik medısınalyq mekemelerdiń tájirıbeli dárigerleri qatysty.
Bıylǵy qalyptasqan jaǵdaıǵa baılanysty, kongress onlaın rejiminde ótti (tirkeý jáne translıasııa saıtta júrgizildi http://kzcardio.org/), bul qatysýshylardyń kóbirek qamtýǵa múmkindik berdi.
Kongress baǵdarlamasy ózekti taqyryptardy qarastyrdy, atap aıtqanda, plenarlyq otyrystar koronarlyq qaýpi joǵary pasıentterdi keshendi qorǵaý máselelerine, qazirgi álemniń jahandyq problemalary aıasynda JQA bar pasıentterdi júrgizýdiń jańa taktıkalaryna arnaldy.
Ǵylymı sımpozıým barysynda spıkerler júrekshe fıbrıllıasııasy boıynsha jańa usynystarmen sóz sóıledi, qatysýshylardy sozylmaly JIA bar pasıentterde trombozǵa qarsy terapııanyń erekshelikterimen, JF bar egde pasıentterdi emdeýde teorııany praktıkada durys paıdalanýmen, EЅS 2020 usynystarymen, zamanaýı usynymdar aıasynda statınoterapııanyń kórsetilimderimen jáne qaýipterimen, júrek jetkiliksizdigin emdeýdiń jańa algorıtmimen tanystyrdy. Sondaı-aq, SJJ jáne 2 tıpti qant dıabeti kezindegi qaýipterdi modıfıkasııalaý múmkindikteri, 2 tıpti qant dıabeti bar pasıentterde júrek-qan tamyrlary aýrýlarynyń aldyn alý erekshelikteri, qantty tómendetetin terapııanyń perspektıvalary qarastyryldy.
Kongreste professor, Eýropalyq júrek yrǵaǵy qaýymdastyǵynyń prezıdenti, Eýropalyq kardıologtar qoǵamy prezıdıýmynyń múshesi, Renn ýnıversıtetiniń aýrýhanasynyń Kardıologııa jáne tamyr aýrýlary bóliminiń bastyǵy, Krıstof Leklerk (Christophe Leclercq), (Fransııa), professor, RǴA korrespondent-múshesi, EAT Prezıdenti, N.I.Pırogov atyndaǵy RUZMÝ propedevtıka jáne ishki aýrýlar kafedrasynyń meńgerýshisi, RF eńbek sińirgen dárigeri Grıgorıı Arýtıýnov, (Reseı), professor, Qazaqstan kardıologtary qaýymdastyǵynyń prezıdenti, «S.D.Asfendııarov atyndaǵy Qazaq ulttyq medısına ýnıversıteti» KeAQ Kardıologııa kafedrasynyń meńgerýshisi, Eýropalyq kardıologtar qoǵamy prezıdıýmynyń múshesi Sálim Berkinbaev (Qazaqstan) syndy otandyq jáne sheteldik jetekshi kardıologtar sóz aldy.
«Jańa formattaǵy kongreske qatysý biz úshin úlken mártebe. Qatysýshylar paıdaly bilimmen almasyp qana qoımaı, sonymen qatar qazirgi shyndyq jaǵdaıynda áriptesterimen kásibı jáne dostyq baılanystaryn nyǵaıqanyna senimdimiz. Kardıologııa – bizdiń kompanııanyń belsendi damyp kele jatqan strategııalyq baǵyttardyń biri. Bizder júrekke baılanysty aýrýlardy emdeýge arnalǵan tıimdi dári-dármekterdi óndirýshiniń bedelin baǵalaımyz. Bizdiń kompanııanyń qorjynynda ımporttyq, sondaı-aq Qazaqstanda óndiriletin 13-ten astam kardıopreparattar bar. Biz osy kongrestiń seriktesi bolǵanymyzdy maqtan tutamyz», – dedi SANTO kompanııasy dári qaǵazben bosatylatyn preparattar bólshek saýdasy jónindegi bólim dırektory Anna Farlenkova.
ALMATY
