Esetjan Muratuly Qosýbaev memlekettik basqarý organdarynda qyzmet etken, QR Mádenıet, aqparat jáne sport mınıstrligin basqarǵan, medıakompanııalar men qoǵamdyq qurylymdarǵa basshylyq etip, mádenıet salasynda túrli jobalardy uıymdastyrǵan.
1955 jyly Almaty qalasynda dúnıege kelgen. 1980 jyly S.Kırov atyndaǵy Qazaq memlekettik ýnıversıtetiniń tarıh fakýltetin támámdaǵan. Iri halyqaralyq óner forýmdaryn, qoǵamdyq aksııalardy, is-sharalardy uıymdastyrýǵa jáne ótkizýge atsalysqan. Ár jyldary «ART-Sentr» prodıýserlik ortalyǵynyń bas dırektory, «Almaty – moıa pervaıa lıýbov» retro festıvaliniń prodıýseri jáne júrgizýshisi bolǵan, «Azııa daýysy» halyqaralyq mýzykalyq festıvalderiniń irgetasyn qalaǵandardyń biri. «Asyl mura» qamqorshylyq keńesiniń quramynda bolǵan, sonyń arqasynda kórnekti qazaq kompozıtorlarynyń shyǵarmalary bar bir jarym myńnan astam muraǵattyq jazbalar qalpyna keltirilgen
Birneshe jyl mádenı-qoǵamdyq ınstıtýttardy basqarǵan. Kommersııalyq jáne qarjy qurylymdaryn basqarý tájirıbesi bar. Qazaqstandy mádenı, áleýmettik jáne ǵylymı-tehnıkalyq damytý qorynyń bas dırektorynyń orynbasary, «Bóbek» Balalar qaıyrymdylyq qorynyń vıse-prezıdenti, «Kazenergy» qoǵamdyq qorynyń prezıdenti laýazymdarynda qyzmet etken. «Altyn-Alma» AQ basqarma tóraǵasy, «Soıýz «Atameken» Qazaqstannyń Ulttyq ekonomıkalyq palatasynyń basqarma múshesi bolǵan.
Memlekettik basqarý organdarynda jumys jasaý tájirıbesi mol. 2002 jyly Memleket basshysy Ákimshiliginiń baspasóz ortalyǵynyń basshysy laýazymyna taǵaıyndalǵan. 2004 jyly — QR Prezıdenti Ákimshiliginiń Ishki saıasat basqarmasynyń BAQ jáne qoǵamdyq baılanys bóliminiń jetekshisi. 2004 jyldan 2006 jylǵa deıin – Qazaqstan Respýblıkasynyń Mádenıet, aqparat jáne sport mınıstri.
Esetjan Muratuly otandyq medıaqurylymdardyń, kıno men televızııanyń aıaqqa turýyna jáne damýyna zor úles qosqan. «Raýan Medıa Grýpp» kompanııasynyń dırektorlar keńesin basqarǵan. 1998 jyly Ortalyq Azııadaǵy eń iri kınoforým – «Evrazııa» Birinshi halyqaralyq kınofestıvaliniń bas dırektory bolyp taǵaıyndalǵan. Eýrazııa televızııa akademııasynyń múshesi (Máskeý qalasy). 2001 jyly Qazaqstandaǵy aldyńǵy qatarly medıakorporasııanyń - «Qazaqstandyq televızııa jáne radıo» Respýblıkalyq korporasııasyn» JAQ basqarma tóraǵasy bolyp taǵaıyndalǵan.
E. Qosýbaevtyń shyǵarmashylyq ómirbaıanynda jeke akterlik tájirıbesi bar, sonyń ishinde ataqty keńes rejısseri Iýrıı Chýlıýkınniń «I v shýtký, ı vserıoz...» fılminde (1963 j.) basty róldi somdaǵan. Qazirgi tańda, E.Qosýbaev «Sháken Aımanov atyndaǵy «Qazaqfılm» AQ – elimizdiń iri kınostýdıasynyń dırektorlar keńesiniń múshesi jáne táýelsiz dırektory bolyp tabylady.
«Qurmet» jáne 2 dárejeli «Dostyq», Reseıdiń Chernobyl ardagerler komıtetiniń «Dolg ı chest» ordenderimen, sonymen qatar, túrli tósbelgilermen jáne medaldarmen marapattalǵan, onyń ishinde BLKJO OK «Eńbek erligi» belgisi, «ChAES apattyń saldaryn joıýdyń qatysýshysy» Qurmet belgisi, «Shapaǵat» medali, «Qazaqstan Respýblıkasynyń táýelsizdigine 10 jyl» medali, «Qazaqstan Respýblıkasynyń Konstıtýsııasyna 20 jyl» medali jáne t.b. Qazaqstan Respýblıkasynyń Prezıdenti atynan birqatar alǵys hattar berilgen.
ALMATY
