Aýrý aıtyp kelmeıtini belgili. Degenmen Tomırıste 2 patologııa, ıaǵnı proteıa sındromy men eki tabanynyń alyptylyǵy, sondaı-aq ishektiń tamyrly buzylýy qatar úılesip kelgen eken.

"Proteıa sındromy bul sırek týa bitken aýrý. Ol teriniń, súıekterdiń, bulshyqetterdiń, maı tinderiniń, sondaı-aq qan men lımfa tamyrlarynyń shamadan tys ósýimen sıpattalady. Aýrýdyń osy túri óte sırek kezdesedi jáne álemde dál osyndaı 200 jaǵdaı tirkelgen. Bala aıaǵynyń mólsheri úlken, ol dene salmaǵy men mólsheriniń jartysyn quraıdy. Saýsaǵynyń aınalasynda sozylmaly osteomıelıt oshaqtary bar", deıdi aýrýhananyń Ortopedııa jáne ońaltý bólimshesiniń meńgerýshisi Aǵabek Chınkıbaev.

Dárigerdiń aıtýynsha, Tomırıste aıaq mólsheriniń ulǵaıýynan basqa, ol ishektiń lımfoangıomatozymen aýyrǵan. Ishekten jıi qan ketý saldarynan aýyr anemııanyń damýyna alyp kelgen. Sonyń nátıjesinde ony túzetý úshin aıyna 2-3 ret qan quıý qajet bolǵan. Aǵymdaǵy jyldyń basynda qyz josparly túrde aýrýhananyń Ortopedııa jáne ońaltý bólimine jatqyzylǵan.

Al №2 balalar aýrýhanasynyń hırýrgteri sáýir aıynda ishekke ota jasady. Bul qaıta-qaıta qan ketýdi toqtatýǵa múmkindik berdi. Atalǵan operasııadan keıin balaǵa jıi qan men onyń komponentterin quıýdyń qajeti bolmaıdy. Qazirgi tańda Tomırıstiń densaýlyǵy jaqsaryp, salmaq qosa bastapty.

"Quramynda ortopedter, hırýrgtar men anestezıologtar bar mýltıtártiptik top onyń sol aıaǵynyń tabanyna rekonstrýktıvti otany sátti jasap shyqty. Aldaǵy jyly emdeýdiń 3 kezeńine ótip, aıaqtary men ishegine de birneshe operasııa jasaý josparda bar. Oń aıaǵyna jasalǵan operasııadan keıin balanyń densaýlyǵy odan ári jaqsara túsetine senimimiz mol", dep túsindirdi Aǵabek Chınkıbaev.

Aıta keteıik, qyzdyń anasy ota jasaýǵa qatysqan barlyq dárigerlerge úlken alǵysyn jetkizdi.