Oqıǵa • 24 Qarasha, 2020

Fashızmdi aıyptaý fragmentteri

14 ret kórsetildi

Qazaqstan Respýblıkasynyń Ulttyq mýzeıinde «Nıýrn­berg sabaqtary: umy­tyl­­mas úshin» kórmesi ashyl­dy. Atal­ǵan sharany Qa­zaqstandaǵy Reseı yn­ty­­maqtastyq ókildigi, Re­seı tarıhı qoǵamy, Uly Otan soǵysynyń Or­ta­lyq mýzeıi (Máskeý) jáne Qazaq­­stan­daǵy Reseı Fede­ra­sııa­sy elshiligi birlese otyryp uıym­­das­tyrdy.

Kórmeniń ashylýynda sóz al­ǵan Ulttyq mýzeıdiń dırektory Arystanbek Muhamedıuly: «Ult­tyq mýzeı tarıhı oqıǵalardy zertteýde bir ǵana ejelgi nemese ortaǵasyrlar kezeńimen shektelip qalmaıdy. Biz úshin jańa zaman­da oryn alǵan oqıǵalar da óte mańyzdy. Buǵan fashıstik Ger­manııanyń is-áreketin aıyp­ta­ǵan Nıýrnberg prosesiniń bas­talýynyń 75 jyldyǵyna oraı uıym­dastyrylyp otyrǵan búgingi kór­memiz dálel bolady», dedi.

Shara barysynda Reseı tarı­hı qoǵamy basqarmasynyń tór­­­aǵasy, «Istorııa Otechestva» qory­­­nyń at­­qarýshy dırektory Kon­stan­tın Mogılevskıı, Qa­zaq­standaǵy Reseı ynty­maqtastyq ókildiginiń basshysy Alekseı Koropchenko, Bilim jáne ǵylym mınıstrligi Memleket tarıhy ınstıtýty dı­rektorynyń oryn­basary, tarıh ǵylymdarynyń dok­tory Búrkitbaı Aıaǵan sóz sóı­lep, Nıýrnberg pro­se­siniń tarıhı mańyzyn ashyp kór­setti.

Kórme gıtlerlik fashızmniń qyl­mysyn aıyptaǵan jáne Ekinshi dúnıejúzilik soǵystyń núktesin qoı­ǵan álemdik tarıhtaǵy alǵashqy Ha­lyqaralyq áskerı trıbýnal týraly syr shertedi. Túrli tarıhı de­rek­ter­men qatar kórmede Nıýrn­berg prosesiniń tikeleı qaty­sýshysy, kıevtik Arsenıı Kýdrıav­sevtiń jeke muraǵatynan alyn­ǵan erekshe fotosýretter men qujattar eks­pozısııalandy.

Sońǵy jańalyqtar

Ulytaý aýdanynyń ákimi taǵaıyndaldy

Taǵaıyndaý • Búgin, 20:45

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar