Sóredegi saǵattar

Kórme ekspozısııasyna, kitap­ha­nanyń murajaı qorynda saq­talǵan Elbasy Nursultan Nazarbaev­qa qatysy bar erekshe jádi­ger­ler qo­ıylyp, bul dúnıeler kórer­men­­derdiń kózaıymyna aınaldy. Ásirese «Dıplomatııalyq syı­­lyq­tar – adamzattyń mádenı mu­ra­synyń quramdas bóligi» atty kórme sóresine qoıylǵan saǵattar kompozısııasy ótken tarıhtan syr shertkendeı áser qaldyrdy. Bul jádigerler negizin Elbasyna shetel basshylary, halyqaralyq uıymdar men qorlar, ártúrli resmı delegasııalar bergen syılyqtar quraıdy eken.

Kórmeden álemge áıgili saǵat jasaý markalary – Atmos, Hermle, Berhard Richards Manufacture, Blancpain syndy eýropalyq manýfaktýra ónimderin kórýge bolady. Sondaı-aq kórme tórinen Nursultan Ábishulyna tanymal kom­pozıtor N.Tilendıevtiń jubaıy syılaǵan «Parovoz» atty saǵat jáne HVIII ǵasyrdyń ekinshi jartysynda ónerkásiptik revolıýsııanyń alǵashqy bý mashınalaryna qatysty ja­salaǵan jádiger, Atmos markaly kún­tizbesi 3000 jyldan bastalatyn qun­­dy saǵat jáne basqa da úlgilerdi kórýge bolady.

Sonymen qatar bul jerden erekshe mándi este qalarlyq oqıǵalarmen bederlengen graver men kleım ústel­gen saǵattardy da kezdestirýge bolady. Máselen, «Raketa» saǵaty N.Nazarbaev­tyń Qazaq KSR-in basqar­ǵan kezeńindegi ómirinen syr sher­tetin qyzyqty zat sanalady.