Saıasat • 24 Qarasha, 2020

Bes jylda atqarylǵan jumys aıqyndaldy

11 ret kórsetildi

XX sezd qarsańynda par­tııanyń Ortalyq apparatynda Nur Otan partııasynyń Saıa­sı keńesiniń otyrysy ótti. Qatysýshylar beınekonferensııa baılanysy arqyly uıymdastyrý máselelerimen qatar, partııanyń sońǵy 5 jyl­­dyq qyzmetin qory­tyn­dy­lady.

Partııa Tóraǵasynyń birinshi orynbasary Baýyrjan Baıbek Nur Otan-nyń besjyldyq jumysyn qorytyndylaı kele, partııanyń 234 qoǵamdyq qabyldaý bólmesi saılaýaldy baǵdarlamany baqylaý men «keri baılanystyń» pármendi tetigi bolǵanyn atap ótti. Elbasy, partııa lıderi Nursultan Nazarbaevtyń tapsyrmasy boıynsha Nur Otan 2014 jyly elimizde birinshi bolyp «Elektrondy partııa» jobasy aıasynda qoǵamdyq onlaın-qabyldaý bólmesin, veb-portal ashyp, messendjerler men áleýmettik jeliler arqyly kommýnıkasııanyń jańa arnalaryn engize bastady.

«5 jyl ishinde partııaǵa shamamen 1,2 mln adam júgindi, onyń 30%-y ótinishterin onlaın joldady. О́tinishterdiń 92%-y boıynsha oń sheshim qabyldanyp, tegin keńes berilip, quqyqtyq kómek kórsetildi. Nurotandyq depýtattar, ortalyq jáne jergilikti atqarýshy organdardyń basshylary 180 myńǵa jýyq qabyldaý ótkizip, 340 myńnan astam azamatty qabyldady. О́tinishterdiń 72%-y oń sheshimin tapty, 28%-y boıynsha túsindirmeler men qajetti keńester berildi», dedi Baýyrjan Baıbek.

Onyń aıtýynsha, pandemııaǵa qara­mastan, qoǵamdyq qabyldaýlardyń jumysy onlaın formatta jalǵasyp, elektrondy túrde 339 myń ótinish qabyldanǵan.

«Álemdik tájirıbe kórsetkendeı, pandemııa kezinde turmystyq zorlyq-zombylyq ósýde. Qıyn-qystaý jaǵdaıǵa tap bolǵan otbasylarǵa, áıelder men balalarǵa keshendi kómek kórsetýdi uıymdastyrý úshin táýlik boıy jumys isteıtin «111 shuǵyl qyzmet» baılanys ortalyǵy iske qosyldy. 2 aıdyń ishinde 3 myńnan astam ótinish boıynsha quqyqtyq keńester berilip, psıhologııalyq kómek kórsetildi. Bul – el Prezıdenti Qasym-Jomart Kemeluly Toqaevtyń «Halyq únine qulaq asatyn memleket» tujyrymdamasyn júıeli júzege asyrýdyń kórinisi», dedi partııa Tóraǵasynyń birinshi orynbasary.

Osy oraıda, ol Elbasy, partııa Tóraǵasy Nursultan Nazarbaevtyń tapsyrmasyna sáıkes, Nur Otan partııasy naqty áleýmettik toptardyń máselelerin jobalyq tásil negizinde sheshetinin atap ótti.

Máselen, «Ardagerlerdi ardaq­taıyq» jobasyn júzege asyra otyryp, ardagerler men tyl eńbek­ker­leriniń 200 myńnan astam áleýmettik-turmystyq máseleleri sheshildi. «Ba­qyt­ty otbasy» jobasy aıasynda 1300-den astam bilim berý, densaý­lyq saqtaý jáne áleýmettik qorǵaý mekemelerine monıtorıng júrgi­zil­gen, bala quqyqtaryn qorǵaý jáne tur­mys­tyq zorlyq-zombylyqqa qar­sy turý turǵysynan zań jobalaryna 45 usynys engizildi.

«Kedergisiz keleshek» jobasynyń arqasynda erekshe qajettilikteri bar 40 myńǵa jýyq azamat jumysqa ornalastyrylyp, 24 myńnan astam nysan solarǵa yńǵaılandyryldy. Sondaı-aq jalpy bilim beretin mektepterde 43 ınklıýzıvti kabınet ashyldy.

«Elbasy, partııa kóshbasshysy N.Nazarbaev qoıǵan mindetterdiń sheshilýin, alynǵan mindettemelerdiń oryndalýyn baqylaýdy Partııalyq baqylaý komıteti men Sybaılas jem­qorlyqqa qarsy is-qımyl jónin­degi respýblıkalyq qoǵamdyq keńes iske asyrady. Sońǵy 5 jyl ishin­de partııalyq basty organdar túrli memlekettik jáne partııalyq organ­darǵa 800-den astam usynym ázirledi. Máse­len, Partııalyq baqylaý komıte­tiniń aralasýymen 9,3 myń medısına qyzmetkerine ótemaqy tólendi», dep atap ótti Baýyrjan Baıbek.

Sybaılas jemqorlyqqa qarsy kúres te partııa úshin prınsıpti máse­le bolyp qala beredi. Sybaı­las jemqorlyqqa qarsy is-qımyl jó­nindegi respýblıkalyq keńes Jas Otan Jastar qanatymen birlesip, joǵary oqý oryndary men kolledjderdi tekserdi. Nátıjesinde, 10 myńnan astam stýdenttiń jataqhanalardaǵy ómir súrý jaǵdaıy jaqsardy. «Jas­tar – Otanǵa!» baǵdarlamasy aıasyn­da sońǵy 5 jylda 13 myńnan astam jas býyn jumysqa turdy. Jas­tar bastamalarynyń memlekettik áleý­mettik tapsyrysyn qarjylan­dyrý 2,5 ese ósken.

Nur Otan partııasy qoǵamdyq-saıası uıymdardyń ishinen alǵashqylardyń biri bolyp pandemııanyń áleýmettik-ekonomıkalyq saldaryna qarsy turdy. Elbasy, Nur Otan partııasy Tóraǵasynyń bastamasymen qurylǵan Birgemiz qoǵamdyq qory 2,2 mln-nan astam adamǵa, Nur-Sultan men Almaty qalasyndaǵy 2 myńnan astam medısına qyzmetkerine materıaldyq kómek kórsetti. Halyqtyń neǵurlym az qorǵalǵan toptaryna jatatyn 100 myń otbasyna 5 mln medısınalyq mas­ka tegin taratyldy. 1 mln-nan astam adam 4,4 mlrd teńge somaǵa birinshi kezekte qajetti taýarlarmen qamtamasyz etildi. Maqtaaralda sý tasqynynan zardap shekken azamat­tarǵa arnap 32 úı salynyp, 1 myń tonnadan astam gýmanıtarlyq kómek jiberildi», dedi Baýyrjan Baıbek.

Baýyrjan Baıbektiń aıtýyn­sha, pandemııa men kúrdeli ekono­mı­kalyq ahýalǵa qaramastan, partııa bel­sendi jumys júrgizdi, óziniń bar­lyq áleýmettik saılaýaldy min­dettemelerin oryndap, saılaý­shylardyń senimin nyǵaıtqan. Ashyq­tyq pen eseptilik qaǵıdattaryn bas­shylyqqa ala otyryp, Nur Otan 2014 jyldan bastap jyl saıyn BAQ-ta shyǵystardyń barlyq baptaryn kór­sete otyryp, qarjylyq esebin jarııalap keledi. Partııa bastamasymen Esep komıteti eki ret tekserý júr­gizip, barlyǵy qoldanystaǵy zańna­maǵa sáıkes keletinin anyqtady.

«Kóshbasshylyqty saqtaý úshin ýaqyt talabyna jaýap bere otyryp, ózgerý qajet. Elbasy aıtqandaı, Nur Otan odan ári damýdy jalǵastyra berýi tıis. Sondyqtan ótken jyly partııa basshysynyń tapsyrmasymen «Senim. Dıalog. Bolashaqqa nyq qadam» atty partııany qaıta jań­ǵyr­tý baǵdarlamasy qabyldandy. Bılik­tiń barlyq deńgeıinde partııalyq jaýapkershilikti arttyrýǵa baılanys­ty sharalar qolǵa alynyp, partııanyń Májilistegi jáne máslıhattardaǵy depýtattyq fraksııalarynyń jumy­sy jandandyryldy. «Partııa qataryn tazartý» aıasynda Jarǵy men Etıka kodeksin saqtamaǵany, partııamen baılanysty joǵaltqany úshin 240 myńnan astam adam, sybaılas jemqorlyq quqyqbuzýshylyǵy úshin 610 adam partııadan shyǵaryldy. О́z kezeginde Nur Otan praımerızi elimiz úshin eleýli saıası oqıǵaǵa aınalyp, is júzinde «Myqty lıderler – myqty partııa» formýlasyn iske asyrdy», dep qorytyndylady B.Baıbek.

Saıası Keńes otyrysy barysynda Pavlodar oblysynan jas ǵalym Irına Chıdýnchı partııaishilik saılaýǵa qatysty pikirin bildirdi. «Barlyq pavlodarlyq áıelder atynan Elbasymyzǵa aýqymdy jobaǵa qatysýǵa múmkindik bergeni úshin alǵy­symdy bildirip, eldegi bolyp jatqan ózgeristerden syrt qalmaı­ty­nymyzǵa, Qazaqstandy birge órken­detý úshin barlyq kúsh-jigerimizdi jumsaıtynymyzǵa sendirgim keledi», dedi I.Chıdýnchı.

Túrkistan oblysynan praımerızge qatysqan Bekarys Shoıbekovtiń aıtýyn­sha, bıylǵy praımerız qarapaıym azamattardyń saıasatqa aralasýyna jol ashyp, qoǵam tarapynan joǵary baǵalanǵan.

«Búgin Nur Otan partııasy óz ju­my­­syna jańa format engizdi, ony kórip otyrmyz. Tuńǵysh ret res­pýb­­lıkalyq aýqymda praımerız ótkizildi. Sondaı-aq árbir óńir, qala jáne aýdan boıynsha daıyndalǵan 216 saılaýaldy baǵdarlama halyq arasynda jan-jaqty talqylandy. Bunyń barlyǵy – Elbasy, partııa Tóraǵasy N.Á.Nazarbaevtyń partııa­ny «qaıta jandandyrý» jónindegi bastamasynyń arqasynda júzege asty. Nur Otan naǵyz halyqtyq partııa ekenin dáleldedi», dedi Saıası keńes múshesi Baqytjan Jumaǵulov.

Saıası keńes otyrysynyń qory­tyndysy boıynsha Úkimettiń saılaýaldy baǵdarlamasyn iske asyrý jónindegi esebi aldyn ala maquldandy, partııanyń Jarǵysy men Saıası doktrınasyna engiziletin ózgerister qaraldy. Praımerızdiń 78 jeńimpazy engen Májiliske arnalǵan partııalyq tizim, sondaı-aq jumys organdarynyń quramy men partııanyń kezekten tys XX Seziniń kún tártibi bekitildi.

 

Sońǵy jańalyqtar

Elimizde taǵy 839 adam koronavırýstan jazyldy

Koronavırýs • Búgin, 09:02

Pnevmonııadan 1 adam qaıtys boldy

Koronavırýs • Keshe

Bıatlonshylardyń baǵy janbady

Sport • 22 Qańtar, 2021

Konor Makgregordyń tabysy qansha?

Sport • 22 Qańtar, 2021

Elbasy Beıbit Atamqulovty qabyldady

Elbasy • 22 Qańtar, 2021

Almatynyń AT-arhıtektýra jospary bekitildi

Aımaqtar • 22 Qańtar, 2021

Memleket basshysy Alekseı Soıdy qabyldady

Prezıdent • 22 Qańtar, 2021

Atyraýda 35 jastaǵy azamatshany tonap ketti

Aımaqtar • 22 Qańtar, 2021

Maqtaralda kóktemgi egis jumystary bastaldy

Aımaqtar • 22 Qańtar, 2021

Birneshe oblysta jol jabyldy

Qazaqstan • 22 Qańtar, 2021

Aqsý qalasyna jańa ákim taǵaıyndaldy

Taǵaıyndaý • 22 Qańtar, 2021

Uqsas jańalyqtar