Aýyl • 24 Qarasha, 2020

Memleketke masyl bolǵym kelmeıdi

123 ret kórsetildi

Malsaq qaýymǵa memleket tarapynan aýqymdy kómek kórsetilip jatqany belgili. Áıtse de qanatyn keńge jaıyp kele jatqan «Qarlyǵash» sharýa qojalyǵy óz sharýasyn muqııat istegen adamdardyń qoldaýsyz da tabysqa keneletinin dáleldep otyr.

Sharýa qojalyǵyn alǵash qurǵan kezde-aq inisi Erbolat ekeýi óz kúshteri­ne sengen eken. Toqsanynshy jyldar­dyń basynda uıymdasqan sharýa qoja­lyǵyna «Torǵaı» keńsharynan saý tamtyǵy qalmaǵan kóne kombaın men «dimkás» traktor buıyrǵan. Al ortaq maldan tıesili paılaryna eshteńe tımepti. Sonda da bolashaqtaryna senim­di edi. Adal eńbekteriniń arqasynda qut daryp, bereke bitti. Qazir qojalyqtyń eki myń gektar jeri bar. Onyń 200 gek­­tary shabyndyq, 100 gektary ekpe shóp, ózgesi jaıylym jerler. О́zderi oǵan da táýbe deıdi. Áıtpese aýyldas­ta­ry toqymdaı jerge zar bolyp, qol­daryn­daǵy birdi-ekili maldy qaıda jaıa­ryn, shópti qaıdan shabaryn bilmeı qańtarylyp otyr.

– Qanshama qıyndyqty bastan ót­kerip júrsek te, nesıe men sýbsıdııa alyp kórgen emespiz. О́z basym mem­leketke aýyrtpalyǵymdy túsirgim kelmeıdi. Kásippen aınalysqan adam eshkimge táýeldi bolmaýy kerek. О́z kúshine sengen adamnyń ǵana qaıyǵy órge júzedi, – deıdi «Qarlyǵash» sharýa qojalyǵynyń basshysy Erbol Dúısen. – Qazir burynǵy qıyndyqtyń bári artqa qaldy. Sharýa jaıyn úıren­dik. Úırenetin de eshteńesi joq edi. Ata kásip. Azyq-túlik beldeýindegi Nur-Sultan qalasyn sapaly mal ónim­derimen turaqty qamtamasyz etýge septigi­miz tıip jatyr. Biz tárizdi mal baq­qan sharýa qojalyqtary kóbeıse, ishin­ara adal básekelestik týyndap, saýda sóre­lerindegi et baǵasy da arzandar ma edi?!

Búgingi tańda keshegi shaǵyn sharýa­shylyqtyń isi damyp, tasy órge domalap keledi. Qazir sharýa qojalyǵy 250 bas jylqy, seksennen astam qara mal, 300-diń ústinde qoı baǵyp otyr. Jyl basynan beri elýge taıaý iri qara men bir otar qoıdyń semiz de sapaly etin Nur-Sultan qalasynyń saýda sórelerine shyǵarypty.

Baǵymdaǵy iri qara men jylqy jer­gilikti tuqymnan. Sharýa qojaly­ǵy­nyń basshylary tabysqa asyl tuqym­dy baqqanda molynan jetetindigin uǵy­­nyp otyr. Biraq ol úshin jem-shóp da­ıyn­daý máselesi týyndaıdy. Jer kóp bolǵanymen, shabyndyq, jaıy­­lym­dyq alqaptar bos emes. Al azyq-túligi tolymdy bolmasa, asyl tu­qym­dy mal baǵý ońaı emes. Mal ónim­derin ótkizý qıyndyq týdyrmaıdy. О́ıtkeni Nur-Sultan qala­sy qolsozym jerde. Ári Nur-Sultan – Shiderti tas jolynyń boıyndaǵy dámha­nalardy etpen qamtamasyz etedi.

Alǵa umtylǵan sharýashylyqtyń qadamyna tusaý bolyp otyrǵan jalǵyz jaı – jaıylymnyń jetimsizdigi. Bıyl­ǵy jyl mal azyǵy úshin 250 tonna jem-shóp pen 50 tonna arpa daıyndaǵan. Osy mal azyǵynyń kólemine qaraı mal qystatylady. Áıtpese qys qatty bolsa artyq mal tilin tistep qalmaq. Shaǵyn ǵana sharýa qojalyǵy on shaqty adamdy turaqty jumyspen qamtamasyz etip otyr. Eńbekaqylary istegen jumys aýqymyna qaraı ýaqtyly tólenedi.

–Jaıylymnyń jetimsizdigi janǵa batyp tur, – deıdi sharýa qojalyǵynyń basshysy, – júz myń gektarǵa deıin jer ıelengender ne ózderi paıdalanbaı, ne ózgeniń ıgiligine jaratpaı otyrǵandary túsiniksiz. Osyndaı keleńsizdiktiń saldarynan shoq juldyzdaı Torǵaı aýyly­nyń qyryqqa jýyq otbasy kóshemiz dep qopańdap otyr. Eger mal súmesimen kún kóretin aýyl turǵyn­daryna jaıylym úshin jer berilse, mundaı olqylyq oryn almas edi.

Shaǵyn aýyldardyń úlken máselesi­ne kóńil aýdaratyn kez jetken tárizdi. Jomart jerdiń jalyn janyn salyp jumys isteıtinder ǵana ustaýy tıis qoı.

 

Aqmola oblysy,

Ereımentaý aýdany

Sońǵy jańalyqtar

Kann festıvali jazǵa shegerildi

О́ner • Búgin, 16:42

Prezıdent Alık Shpekbaevty qabyldady

Prezıdent • Búgin, 16:02

Uqsas jańalyqtar