Bul týraly mınıstr óziniń Facebook paraqshasynda tolyǵyraq aıtyp ótti.
"Memleket basshysy Qasym-Jomart Kemeluly Toqaev Ańsardyń anasynyń jarııalaǵan jazbasyna nazar aýdardy. Men Áselmen (Ańsardyń anasy) telefon arqyly sóılestim. Balany emdeýdiń boljamdy nusqalaryn talqyladyq. Qaraǵandy oblysynyń Densaýlyq saqtaý basqarmasynyń basshysy búgin Ańsarmen kezdesedi, onyń emdelýine kómektesedi", dedi mınıstr Alekseı Soı.
Esterińizde bolsa, buǵan deıin qaraǵandylyq jetkinshektiń anasy kópshilikten kómek surap, Instagram paraqshasynda birneshe ret jazba jarııalaǵan edi. Jazbalarynyń birinde ol tipti portýgalııalyq fýtbolshy Krıshtıaný Ronaldýǵa da kómek surap júgingen-di. Ańsar Nurjanov bir kezderi densaýlyǵynda esh aqaý joq, on eki múshesi saý bala bolǵan. Alaıda keıin ózinen-ózi shalynyp qulaı beretin jaǵdaıǵa dýshar bolypty. Qaýipti dert jetkinshektiń búkil bulshyqet jumysyna zaqym keltirgen.
