Álem • 24 Qarasha, 2020

Qazaqstan men Fransııanyń týrızm ýnıversıtetteri kelisimge qol qoıdy

12 ret kórsetildi

Qazaqstannyń Fransııadaǵy Elshiliginiń qoldaýymen Halyqaralyq týrızm jáne meımandostyq ýnıversıteti (Túrkistan q., Qazaqstan) men Anje ýnıversıteti (Lýara Jerleri óńiri, Fransııa) arasynda yntymaqtastyq týraly kelisimge onlaın qol qoıý rásimi ótti.

Is-sharaǵa Qazaqstannyń Mádenıet jáne sport vıse-mınıstri О́rken Bısaqaev, Fransııanyń Eýropa jáne syrtqy ister mınıstri janyndaǵy týrızm, sheteldegi fransýz azamattary men frankofonııa máseleleri boıynsha Memlekettik hatshy Jan-Batıst Lemýan, Fransııadaǵy Qazaqstan Elshisi Jan Ǵalıev, Lýara Jerleri óńiri Prefektisiniń dıplomatııalyq keńesshisi Jan-Iv Rý, Halyqaralyq týrızm jáne meımandostyq ýnıversıtetiniń rektory Maınıýra Myrzamadıeva, Anje ýnıversıtetiniń rektory Krıstıan Robledo, sondaı-aq, Anje qalasynyń basshylyǵy, eki eldiń syrtqy saıası vedomstvolary men elshilikteriniń qyzmetkerleri qatysty.

Is-sharany ashqan Elshi J. Ǵalıev eki el arasyndaǵy týrızm men bilim berý salasyndaǵy yntymaqtastyq – strategııalyq seriktestigimizdiń basymdyqtarynyń biri bolyp tabylatynyn atap ótti.

Vıse-mınıstr О́. Bısaqaev Qazaqstannyń týrıstik salasyn damytý memlekettik baǵdarlamasynyń basty baǵyttarynyń biri – sala mamandaryn daıarlaý bolyp tabylatynyn habarlady. Osy oraıda, joǵary bilikti kadrlardy daıyndaýdyń jeti ǵasyrlyq tarıhy bar Anje ýnıversıtetiniń tájirıbesi Túrkistandaǵy jańa oqý orny úshin óte mańyzdy bolyp tabylady.

О́z kezeginde, J. Lemýan Elshige kótergen bastamasy úshin alǵysyn bildirip, qol qoıylǵan Kelisim eki el arasyndaǵy strategııalyq seriktestiktiń odan ári jaqyndasyp, keńeıýine yqpal etetinine senim bildirdi.

Kelisimge halyqaralyq týrızm jáne meımandostyq ýnıversıtetiniń rektory - basqarma tóraıymy M. Myrzamadıeva men Anje ýnıversıtetiniń rektory K. Robledo qol qoıdy.

Qujat bilim berý, tájirıbe almasý jáne zertteýler júrgizý maqsatynda stýdenttermen, professorlyq-oqytýshylyq qurammen almasýdy, sondaı-aq týrızm ındýstrııasy men qonaqjaılylyqty damytý salasynda birlesken konferensııalar men semınarlar ótkizýdi kózdeıdi. Bolashaq mamandar úshin tildik kýrstar ótkizý máselesine de erekshe nazar aýdaryldy.

Is-shara aıasynda «ortalyqsyzdandyrylǵan seriktestik» aıasynda qarqyndy damyp kele jatqan eki aımaq – Túrkistan oblysy men Lýara Jerleri – arasyndaǵy yntymaqtastyqtyń keń aýqymyn talqylaý týraly ýaǵdalastyq qaıta rastaldy.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar