Aımaqtar • 24 Qarasha, 2020

Qarakemer aýylyna gaz keldi

20 ret kórsetildi

Jambyl aýdany, Qarakemer aýyly turǵyndarynyń talaı jylǵy arman-tilegi oryndalyp, aýyldaǵy 300 aýla túgeldeı gazben qamtyldy, dep habarlaıdy Egemen.kz.

Segiz jyl boıy kópshilik tarapynan kóterilip kelgen kógildir otyn máselesi bıyl  sheshimin tapty. Atalǵan joba «Jumyspen qamtýdyń jol kartasy» memlekettik baǵdarlamasy aıasynda júzege asyp otyr. Aýyl turǵyndaryna memleket tarapynan qoldaý kórsetilip, mamyr aıynan bastap «Gaz-Servıs» jaýapkershiligi shekteýli seriktestigi 182 mıllıon 270 myń teńgege 13 shaqyrym 149 metr bolatyn jerasty qubyrlaryn, gaz tartý boıynsha qurylys jumystaryn júrgizdi.

Búginde «Jambyl-Jylý» jaýapkershiligi shekteýli seriktestigi aýyldaǵy aýlalardy qosyp, úı ishine gaz tartýda. Seriktestik dırektory Dastan Rsalıevtiń aıtýynsha, gaz tartý quny 100 myń teńgeni quraıdy. Jambyl aýdany ákiminiń mindetin atqarýshy Erlan Qydyralyuly, aýdandyq máslıhat hatshysy Rústem Begalıev, oblystyq máslıhattyń depýtaty Masat Berik karakemerlikterdiń qýanyshyna ortaqtasyp, jyly lebizderin jetkizdi. Aýyl aqsaqaly Ahataı Balqybekov kópshilikke aq batasyn berip, aýylǵa gazdyń kirýine atsalysqan barsha azamattarǵa alǵys aıtty. Al, Qarakemer aýylynyń turǵyny, altyn alqa ıegeri Alshakúl Qalybaeva da kópshilikke izgi tilegin arnady. «Men 86 jastamyn. 10 balanyń anasymyn. Qarakemerge kelin bolyp túskenime 70 jyl bolypty. Sodan beri osy aýyldamyn. Qudaıǵa shúkir, aýylymyz damyp keledi. Aýylǵa gaz kelgeniniń ózi biz úshin úlken qýanysh. Osy jumysqa atsalysqan barsha azamattarǵa alǵys aıtamyn», deıdi batyr ana.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar