"Barlyq aýdandyq, qalalyq shaqyrý jáne oblystyq jıyn pýnktinde sanıtarlyq posttar qoıyldy. Barlyǵynda medısınalyq maman otyrady. Áskerge shaqyrylýshylar sanıtarlyq normaǵa sáıkes tekserilip, medısınalyq komıssııadan ótedi. Azamattardy áskerge jóneltý sanıtarlyq sharalardy saqtaı otyryp júrgizilýde. Aıta keteıin, kúzgi shaqyrý ústimizdegi jyldyń 9-shy qyrkúıekte bastaldy. Jeltoqsan aıynyń aıaǵyna deıin jalǵasady", - dedi maıor Nurjan Berkimbaıuly.
Bıyl óńirde áskerı mindetti atqarý sheńberinde jergilikti bıýdjetten 200 mıllıon teńge kóleminde qarajat bólindi. Atalǵan qarajat dáriger mamandardyń eńbekaqysyna, áskerge shaqyrylýshylardy tasymaldaýǵa, oblystyq jáne qala, aýdandyq shaqyrý pýnktterin kútip-ustaýǵa, sondaı-aq, jetispeıtin medısınalyq materıaldyq-tehnıkalyq quraldar men shyǵys materıaldaryn satyp alýǵa jáne úsh mezgil ystyq tamaqpen qamtýǵa jumsalýda.
