Qazaqstan • 25 Qarasha, 2020

​​Ekologııa mınıstrligi jemqorlyqpen qalaı kúresýde?

7 ret kórsetildi

QR Ekologııa, geologııa jáne tabıǵı resýrstar mınıstri Maǵzum Myrzaǵalıev bul ustanymdy Sybaılas jemqorlyqqa qarsy is-qımyl agenttiginiń tóraǵasy Alık Shpekbaevtyń qatysýymen ótken otyrysta aıtty. Kezdesý ekologııalyq baqylaý, sý resýrstary, geologııa, orman sharýashylyǵy jáne janýarlar álemi mekemelerinde sybaılas jemqorlyq quqyq buzýshylyqtardyń aldyn alý máselelerine arnaldy. Is-shara taraptardyń ózara bastamasy boıynsha uıymdastyryldy.

«Mınıstrlik qurylǵan kúnnen bastap sybaılas jemqorlyqqa qarsy is-qımyl máselelerin talqylaý boıynsha buqaralyq aqparat quraldary men úkimettik emes uıymdar ókilderiniń qatysýymen tórt alqa ótkizdi. Jemqorlyqqa qarsy kúres jónindegi jospar ázirlendi jáne iske asyrylýda. Sondaı-aq, jemqorlyq táýekelderiniń kartasy men sybaılas jemqorlyqqa qarsy standart bekitildi. Jemqorlyq táýekelderiniń kartasy Prezıdent Ákimshiligine de usynyldy», - dep atap ótti Maǵzum Myrzaǵalıev.

Otyrysqa beınekonferensbaılanys arqyly Mınıstrliktiń barlyq komıtetteriniń, qurylymdyq bólimsheleriniń, aýmaqtyq organdarynyń jáne vedomstvolyq baǵynysty uıymdarynyń basshylary, sondaı-aq oblystardyń, Nur-Sultan, Almaty jáne Shymkent qalalarynyń jergilikti atqarýshy organdarynyń beıindi basqarmalarynyń basshylary qatysty.

Sondaı-aq, kezdesý barysynda Agenttiktiń sý resýrstary, ekologııalyq retteý jáne baqylaý, orman sharýashylyǵy jáne janýarlar dúnıesi komıtetterinde buryn júrgizgen sybaılas jemqorlyq táýekelderine syrtqy taldaýlaryna qatysty jumys nátıjeleri qaraldy. Memlekettik qyzmetterdi elektrondyq formatta kórsetý kórsetkishin 88%-ǵa deıin jetkizýge jáne Agenttiktiń usynymdaryn oryndaýda aıtarlyqtaı progreske qol jetkizýge múmkindik bergen Mınıstrlik basshylyǵynyń sybaılas jemqorlyqtyń aldyn alý máselesindegi ustanymy atap ótildi.

Aıta keteıik, EGTRM Agenttikpen birlesip ótken jyly «Adaldyq alańy» jobalyq keńsesin iske qosty. Qazirgi tańda Mınıstrliktiń óńirlik mekemelerinde jobalyq keńseniń 17 fılıaly jumys isteıdi.

«Adaldyq alańy» jobalyq keńsesiniń monıtorıngtik tobynyń ókilderi memlekettik satyp alý boıynsha jumys tobynyń, jumysqa qabyldaý boıynsha konkýrstyq komıssııanyń, tártiptik komıssııanyń quramyna kiredi. Bizdiń bastamamyz boıynsha Agenttik Mınıstrlik komıtetterinde jemqorlyq táýekelderine syrtqy taldaý júrgizdi. Sondaı-aq, táýekelderdi joıý boıynsha sharalar jospary qabyldandy», - dedi mınıstr.

Sybaılas jemqorlyqqa qarsy is-qımyl agenttiginiń tóraǵasy Alık Shpekbaev júrgizilip jatqan jumysta ashyqtyq deńgeıin arttyrý qajettigine erekshe nazar aýdardy.

«Tabıǵı baılyqty saqtaý jáne kóbeıtý – bizdiń halyq pen urpaqtar aldyndaǵy kıeli mindetimiz. Bul jolda sizge ashyqtyq, aıqyndylyq jáne qoljetimdilik demeý bolady. Osy qaǵıdalardy ustaný jańa kózqarastaǵy basshylardy anyqtaıdy. Osy oraıda mınıstrge alǵysymdy bildiremin. Ortalyq memlekettik organdarǵa boıynda ádildik pen adaldyq qasıetteri basym jas basshylardyń kelýi qýantady. BAQ-pen, azamattyq belsendilermen ózara is-qımylǵa, sıfrlyq sheshimderdi engizýge, qyzmetkerlerdiń eńbek jaǵdaılaryn jaqsartýǵa negizdelgen keshendi tásil ǵana jemqorlyq quqyq buzýshylyqtardy jasaýdyń tamyryn kesýge múmkindik beredi», - dep atap ótti Agenttik tóraǵasy.

Sonymen qatar, ol aldyn alý men aǵartý sharalary jemqorlyqty tejeıtin faktorlar ekenin atap ótti.
«Zańnamalyq olqylyqtarǵa, sebepter men jaǵdaılarǵa, táýekelderge, ákimshilik kedergiler men bıýrokratııaǵa jol bermeý kerek. Sybaılas jemqorlyqty biz belsendi azamattyq ustanymy bar qoǵammen ǵana jeńe alamyz. Sondaı-aq, bilim berý, tárbıeleý jáne sybaılas jemqorlyqqa qarsy mádenıetti qalyptastyrý mańyzdy», - dep basa aıtty Alık Shpekbaev.

«Bizdiń Mınıstrlik sybaılas jemqorlyqqa múldem tózbeý qaǵıdattaryn basshylyqqa alady. Azamattardyń barlyq ótinishteri men saýaldaryna ýaqytyly jaýap berý máselesi erekshe baqylaýda. Jemqorlyqtyń aldyn alý jónindegi mindetterdi iske asyrýdy kúsheıtý jáne zańnama normalarynyń oryndalýyn, birinshi kezekte, ózinen jáne odan keıin barlyq qyzmetkerlerden talap etý qajet», - dep túıindedi Maǵzum Myrzaǵalıev.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar