Aımaqtar • 25 Qarasha, 2020

10 mıllıon teńge urlaǵan eki kúdikti qolǵa tústi

21 ret kórsetildi

Pavlodarlyq jedel ýákilder on mıllıon teńge urlaǵan eki kúdiktini ustady, – dep habarlaıdy Polisia.kz.

25 qyrkúıekte Pavlodar oblysynyń polıseılerine belgisiz bireýlerdiń avtokóliginiń terezesin syndyryp, on mıllıon teńge aqshasyn urlap ketkeni týraly er adam  habarlasqan.  Jábirlenýshi Qaraǵandy qalasynda turady jáne júk kóligimen Qaraǵandy – Semeı qalalary arasynda júk tasymaldaýmen aınalysady. Ol bir kún buryn týysymen birge Semeı qalasyna toǵyz tonna kókónis pen jemis-jıdek alyp kelip, onda taýardy bazarǵa túsirip, ákelgen taýary úshin qomaqty aqsha alǵan.

Er adam aqshany qaǵaz konvertterge salyp, mashınanyń oryndyǵynyń astynda ornalasqan temir seıfke salǵan. Seıf qulyptalatyn jáne kóliktiń oryndyǵyna dánekerlengen bolǵan. Jolda er adamdar Pavlodar qalasyna tamaq ishý úshin toqtaǵan, biraq 30 mınýttan keıin ashanadan shyqqan er adam kóliginiń terezesi syndyrylǵanyn, al júrgizýshi otyratyn oryndyq pen oǵan dánekerlengen seıftiń múldem joq ekenin kórgen.

– Jedel-izdestirý is-sharalary barysynda pavlodarlyq jedel ýákilder on mıllıon teńge urlaǵan eki kúdiktini ustady. Olar Shyǵys Qazaqstan oblysynyń turǵyndary bolyp shyqty, olardyń bireýi buryn sottalǵan. Jedel ýákilder beınebaqylaý kameralarynyń kómegimen qaskúnemderdiń  jábirlenýshilerdiń izine Semeı qalasyndaǵy bazarlardyń birinde túskenin anyqtady. Kásipkerlerdiń qomaqty aqshasynyń bar ekenin baıqaǵan olar qylmystyq jospar quryp, ony Pavlodarda júzege asyrǵan. Atalǵan fakt boıynsha QR Qylmystyq kodeksiniń 188-baby (Urlyq)  boıynsha sotqa deıingi tergeý amaldary júrgizilýde, – dedi Polısııa departamentiniń bastyǵy Nurlan Másimov.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar