Elorda • 26 Qarasha, 2020

Nur-Sultanda izdeýde júrgen 9 qylmysker qolǵa tústi

49 ret kórsetildi

Elorda aýmaǵynda ótip jatqan "Quqyqtyq tártip" aldyn alý sharasynyń úsh kúninde 2 myńnan astam ákimshilik quqyq buzýshylyq anyqtaldy, dep habarlaıdy Egemen.kz

Nur-Sultan qalalyq Polısııa departamentiniń málimetinshe, onyń ishinde kishigirim buzaqylyqtyń – 163, tynyshtyqty buzýdyń – 263, qoǵamdyq orynda ishimdik ishýdiń 391 faktisi bar. Kólikti mas kúıinde júrgizgen 6 júrgizýshi de qolǵa tústi.

Munan bólek, polısııa qyzmetkerleri turǵyn úı alaptaryn aralap, 8 135 páterdi, 1 544 úıdi jáne 324 saıajaı nysandaryn qarap shyqty. Esepte turǵan 869 tulǵa men 54 turmysy nashar otbasy tekserildi.

"Elordanyń polısııa qyzmetkerleri "Quqyqtyq tártip" aldyn alý sharasy barysynda 3 kúnniń ishinde 48 qylmysty ashyp, izdeýde bolǵan 9 qylmyskerdi ustady. "Saryarqa" aýdandyq polısııa bóliminiń qyzmetkerleri qurylys nysandarynda urlyq jasaýmen aınalysqan 3 kúdiktini ustady. Olar úsh kún boıy tún ortasynda qurylys materıalaryn shyǵaryp alǵan. Urylar 25 jylytý batareıasyn, pishindi qańyltyrlar men shyny maqtalardy qoldy qylǵan. Urlyqqa jón silteýshi ári uıymdastyrýshy qurylys nysanynda jumys isteıtin adam ekendigi anyqtaldy. Urlylar keltirgen shyǵyn 350 myń teńgeni quraıdy. QR Qylmystyq kodeksiniń 188-babymen qylmystyq is qozǵaldy", dedi departamentten.

Sonymen qatar vedomstvonyń milimetinshe, tyıym salynǵan zattardy zańsyz saqtaǵany nemese alyp júrgeni úshin 27 adam ustaldy. Onyń ishinde esirtki zatyn saqtaǵan 18 azamat ustalyp, olardan 500 gramnan astam esirtki zaty, 1,4 gramm geroın tárkilendi.

Munan bólek, atys qarýymen 3 adam ustalyp, olardan 49 oq-dári alyndy. Máselen, 25 qarasha kúni keshqurylym E-22 kóshesiniń boıynda polısııa qyzmetkerlir 48 jastaǵy azamatty toqtatyp, odan uńǵymasy joq tapansha tárkiledi. Ustalǵan azamattyń ústinen QR QK 287-baby 2-bóligi boıynsha qylmystyq is qozǵaldy.

Sońǵy jańalyqtar

Uqsas jańalyqtar