Qazir oblysta koronavırýs ınfeksııasyna baılanysty jaǵdaı turaqty. Medısınalyq uıymdar shtattyq rejimde jumys istep jatyr. Aımaqta 3500 medısına qyzmetkeriniń rezervi qurylǵan. Qyzylorda qalasynda 200 adamǵa arnalǵan modýldik juqpaly aýrýlar aýrýhanasynyń qurylysy júrgizilip otyr. Kópbeıindi oblystyq aýrýhanada jáne Qazaly aýdanaralyq aýrýhanasynda demeýshiler esebinen ottegi stansasy salynyp jatyr.
"Tez soǵylatyn modýldi ınfeksııalyq aýrýhananyń qurylysy jeltoqsan aıynyń birinshi onkúndiginde aıaqtalady. Onda naýqastardyń em alýyna tolyq jaǵdaı jasalady. Emdeý ornynda jergilikti dárigerler qyzmet atqarady", dedi oblystyq densaýlyq saqtaý basqarmasynyń basshysy Sábıt Pazylov.
Eske sala keteıik, jyl basynda oblysta ókpeni jasandy jeldetý (О́JJ) apparatynyń sany 76 bolǵan edi. Qazirgi tańda olardyń sany 244 danaǵa jetti.