Qarjy • 27 Qarasha, 2020

Teńgeniń qalaı nyǵaıǵanyn túsindirdi

13 ret kórsetildi

Qyrkúıek aıynda ulttyq valıýtamyzdyń 1 dollarǵa shaqqandaǵy baǵamy 427,98 teńgege jetken bolatyn. Sodan bergi aralyqta birinshi ret 1 dollar 423 teńgege tústi. Ulttyq banktiń Monetarlyq operasııalar departamentiniń dırektory Nurjan Tursynhanov oǵan ne yqpal etkeni týraly banktiń resmı saıtynda túsinikteme berdi.

– 25 qarashada dollar teńgege qatysty bırjada orta eseppen 422,90 deńgeıinde saýdalandy. Aptanyń basynan beri ulttyq valıýtanyń baǵamy 5 teńgeden astam nemese 1,2%-ǵa nyǵaıdy. Teńgeniń oń serpini qolaıly syrtqy konıýnktýra, son­daı-aq eksporttaýshylardyń salyq tólemderin júzege asyrý úshin shetel valıýtasyn satýy aıasynda bolyp jatyr, – dedi ol.

Investorlar koronavırýsqa qarsy ázirlenip jatqan vaksınalar­dyń tıimdiligi týraly habarlamalardy oń baǵalaýda, bul ekonomıkalyq belsendiliktiń tez qalypqa kelý yq­tı­maldyǵyn arttyrady. Sonymen qatar AQSh bıliginiń D.Tramp ákim­shi­li­ginen Dj.Baıdenge resmı túr­de be­rilýi­niń bastalǵany da qolaıly ahýal qalyptastyrdy.

– Jedel vaksınasııa jáne otynǵa degen suranystyń tez qalpyna kelýi munaı baǵasyna jaqsy áser etti. Brent-tiń baǵasy birneshe kún qatarynan ósip keledi, Azııa naryqtaryndaǵy búgingi saýda-sattyqta naýryzdyń basynan bas­tap alǵash ret barrel 48 dollardan asty. Osyǵan oraı Norvegııa krony men Kanada dollary sııaqty shıkizat eksporttaýshy elderdiń valıýtalary aptanyń basynan 1,3%-ǵa jáne tıisinshe 0,6%-ǵa nyǵaıdy, – dedi N.Tursynhanov.

Onyń aıtýynsha, teńge syrtqy jáne ishki faktorlardyń jaılyly­ǵynan, odan qaldy shıkizat naryǵyn­daǵy jaǵymdy jańalyqtardyń áseri­nen, sondaı-aq jer qoınaýyn paı­da­laný­shylardan túsken kólemdi salyq­tardyń arqasynda nyǵaıyp tur.

 

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar