«Servıstik» nysandaǵy tehnologııalardy paıdalaný tájirıbesi sybaılas jemqorlyqqa qarsy saıasattyń barlyq talaptaryna jaýap beredi. О́ıtkeni mundaı jumys úlgisi jemqorlyq táýekelderin joıady jáne kúndelikti jumystyń ashyqtyǵyn qamtamasyz etedi. Eger buryn memlekettik qyzmetterdi alýshylar túrli ǵımarat tabaldyryqtaryn tozdyrýǵa májbúr bolyp, «tamyr-tanystardyń» kómegine jıi júginetin bolsa, qazirgi tańda mundaı qajettiliktiń joly kesildi. Jańa úlgidegi «Servıstik ákimdik» janynda aýyldyq okrýg ákimdiginiń barlyq qyzmetteri jumys isteıdi: «Qazposhta» bólimshesi, ýchaskelik ınspektor jáne basqalar.
Budan bylaı osy tájirıbeniń úlgisinde aýyldardaǵy barlyq ákimdikter qyzmet kórsetýdiń servıstik úlgisine kóshedi. Olardyń basty ólshemsharty – jumystyń ashyqtyǵy men qoljetimdiligin qamtamasyz etý, sondaı-aq azamattar úshin qolaıly jaǵdaı jasaý. Sonymen qatar barlyq mektep dırektorlary da óz kabınetterin birinshi qabatqa aýystyrdy, al densaýlyq saqtaý nysandarynyń jartysy azamattardy qabyldaý úshin «Open Space» kabınetterin ashty.
«Men azamattardyń jaılylyǵy úshin barlyq jańashyldyqtar shyn máninde tıisti deńgeıde jumys isteıtinine kóz jetkizý úshin óńirler men aýyldyq okrýgterdi ózim aralaımyn. Budan basqa, jergilikti jerlerdegi bıliktiń jaýapkershiligi men parasattylyq deńgeıin arttyrýǵa aýyl ákimderin saılaýdyń jańa tájirıbesi yqpal etetin bolady. Sebebi saılaýshylardyń senimin aqtaýǵa degen umtylys olar úshin basty yntalandyrý bolmaq», – dedi A.Shpekbaev.
Budan ári bıznes salasyndaǵy sybaılas jemqorlyqqa qarsy zańnamanyń oryndalý deńgeıin anyqtaý maqsatynda ol jel energetıkasy sektoryndaǵy «Eni» halyqaralyq kompanııasynyń eń iri ınvestısııasy salynǵan «Arm wind» JShS jel elektr stansasyna bardy. Jobaǵa salynǵan ınvestısııalar kólemi shamamen 100 mln AQSh dollaryn quraıdy. Biregeı nysannyń qýattylyǵy – 48 MVt, óńirdi jyl saıyn 198 GVt/ saǵ kóleminde elektr energııasymen qamtamasyz etýge múmkindik beredi. Bul kólem 20 myń turǵyny bar shaǵyn qala úshin jetkilikti. Budan basqa JES atmosferaǵa kómirqyshqyl gazy shyǵaryndylarynyń kólemin jylyna 172 myń tonnaǵa qysqartady.
Qazirgi ýaqytta otandyq bıznesti qoldaý jáne qorǵaýdy qamtamasyz etý – eldiń ekonomıkalyq damýynda mańyzdy ról atqarady. Osyǵan baılanysty kásipkerler úshin barynsha qolaıly jaǵdaılar jasaý qajet. Bul rette, «Protecting Business and Investments» jobasy aıasynda Agenttik osy jel elektr stansasyn qamqorlyǵyna alyp, sybaılas jemqorlyqqa qarsy súıemeldeýin iske asyratyn bolady.
Sonymen qatar A.Shpekbaev sybaılas jemqorlyqqa qarsy súıemeldenetin nysan – «Aqtóbe» ÁKK» AQ aralady. Kásiporyn Aqtóbe oblysyndaǵy ekonomıkalyq belsendilikti yntalandyrady, onyń ishinde ınvestısııa tartý da bar. Búgingi tańda jobalar qorjynynda jalpy somasy 124,4 mlrd teńgege josparlanǵan 88 joba bar. Jalpy, sybaılas jemqorlyqqa qarsy súıemeldeý týraly kelisim somasy 4,2 trln teńge bolatyn 40 sheteldik jáne jergilikti ınvestor qol qoıdy. Jyl basynan qol qoıylǵan mundaı kelisimder sany – 10, al somasy – 28,1 mlrd teńge.
Sybaılas jemqorlyqqa qarsy qyzmettiń basshysy bıznesti qorǵaý jobasy aıasynda Agenttiktiń taǵy bir jobasy – «Ekoferma» JShS qulpynaı ósiretin jylyjaıyna taban tiredi. Onyń tehnologııalary sáýirden mamyrǵa deıin egin jınaýǵa múmkindik beredi. Bıylǵy jyldyń 11 aıynda munda 20 tonnadan astam qulpynaı ósirildi.
AQTО́BE
