QRKF baıqaýshylary respýblıkalyq shtabynyń tóraǵasy – Kásipodaqtar federasııasy tóraǵasynyń orynbasary Nurlan О́teshev 26 qarashadaǵy jaǵdaı boıynsha QRKF men onyń múshelik uıymdarynan 5 762 táýelsiz baıqaýshy tirkelgenin, olar daýys berýdi respýblıka boıynsha 3 726 saılaý ýchaskesinde baqylaıtynyn atap ótti.
– Qazaqstan Respýblıkasy Kásipodaqtar federasııasy atqarý komıtetiniń 6 qarashadaǵy sheshimimen kásipodaqtar saılaý prosesine baıqaýshylar retinde qatysady. Biz aldymyzǵa eki mindet qoıdyq – uzaq merzimdi jáne qysqa merzimdi. Birinshiden, biz úshin azamattardyń óz tańdaýyn jasaý erkindigi jumys berýshiler ókilderiniń tarapynan qandaı-da bir qysymmen buzylmaýy mańyzdy. Ekinshiden, biz saılaý prosesiniń eldiń zańnamasyna sáıkes ótýin baıqaımyz, – dep atap ótti ol.
Respýblıkalyq shtabtyń múshesi – «Memlekettik, bank mekemeleri jáne halyqqa qyzmet kórsetý qyzmetkerleriniń qazaqstandyq kásipodaǵy» qoǵamdyq birlestigi tóraǵasynyń orynbasary Ataqozy Nurlanov atalǵan salalyq kásipodaqtyń Kásipodaqtar Federasııasynyń eń iri múshelik uıymdarynyń biri jáne árqashan eldegi eń mańyzdy ishki saıası prosesterdiń aldyńǵy qatarynda ekenin jetkizdi. Onyń aıtýynsha, qazirgi kezde salalyq kásipodaq, onyń fılıaldary men jergilikti kásipodaq uıymdarynyń músheleri baıqaýshylardyń oblystyq jáne aýmaqtyq shtabynyń quramyna kirdi.
– Yntymaqtastyqqa negizdelgen áleýmettik áriptesterimizben birlesken jumys bizge eńbek adamynyń saılaý bostandyǵyna konstıtýsııalyq quqyǵy sııaqty negizgi demokratııalyq qundylyqtardy saqtaýda aıtarlyqtaı jetistikterge jetýge múmkindik beredi, – dedi A.Nurlanov.
О́z kezeginde Respýblıkalyq shtabtyń múshesi – «Qazaqstandyq bilim jáne ǵylym qyzmetkerleriniń salalyq kásipodaǵy» QB tóraıymynyń orynbasary Álııa Ábıeva jýrnalısterge atalǵan salalyq kásipodaqtyń QRKF-nyń iri múshelik uıymdarynyń biri ekendigin, onyń músheleri de baıqaýshylardyń respýblıkalyq jáne aımaqtyq shtabtarynyń quramyna kirgenin aıtty.
– Bizdiń salalyq kásipodaq Kásipodaqtar federasııasynyń saılaý kúni saılaý prosesteriniń ashyqtyǵyn baqylaýdy qamtamasyz etý jónindegi bastamasyn qoldaıdy. Biz saılaýdyń ashyq, erkin jáne demokratııalyq túrde ótýi úshin baıqaýshylar retinde buǵan yqpal etemiz, – dedi Álııa Ábıeva.
Nur-Sultan qalasy boıynsha aımaqtyq shtabynyń múshesi – «Senim» densaýlyq saqtaý júıesi jumyskerleriniń salalyq kásiptik odaǵy» RQB elordalyq fılıal tóraǵasy Rýslan Satybaldıevtiń aıtýynsha, astanadaǵy 248 saılaý ýchaskesinde saılaý barysyn júzden astam kásipodaq múshesi baqylaıtyn bolady.
Nur-Sultan qalasy boıynsha aımaqtyq shtabynyń múshesi, Mádenıet, sport jáne aqparat qyzmetkerleriniń Qazaqstandyq salalyq kásipodaǵynyń bastaýysh kásipodaq uıymynyń múshesi Zeınegúl Bazanova bolsa, saılaý naýqanyna alǵash ret baıqaýshy retinde qatysatynyn málimdedi. Búginnen bastap Kásipodaqtar federasııasy aýmaqtyq baıqaýshylar shtabynyń músheleri úshin birqatar onlaın-oqytý semınarlaryn ótkizedi.
Eske salaıyq, Qazaqstan Prezıdenti Qasym-Jomart Toqaevtyń Jarlyǵymen Qazaqstan Respýblıkasy Parlamenti Májilisi jáne máslıhattary depýtattarynyń saılaýy 2021 jyldyń 10 qańtaryna belgilendi.
