Bishkekte I. Ahýnbaev atyndaǵy Qyrǵyz memlekettik medısına akademııasynyń ǵımaratynda ótken saltanatqa Qazaqstan Respýblıkasynyń Qyrǵyz Respýblıkasyndaǵy Tótenshe jáne О́kiletti Elshisi Qaırat Nurpeıisov, Qyrǵyz Respýblıkasynyń Vıse-premer-mınıstri Elvıra Sýrabaldıeva jáne Qyrǵyz Respýblıkasynyń Densaýlyq saqtaý mınıstri Alymkadyr Beıshenalıev qatysty.
E. Sýrabaldıeva baýyrlas elderdiń arasyndaǵy qatynastar strategııalyq áriptestik jáne tatý kórshilik rýhynda damyp jatqanyn atap ótti. «Eń aldymen biz jaqyn kórshimiz jáne ózara múddelerdi eskere otyryp, yntymaqtastyqty odan ári órbitýge nıettimiz. Biz Qazaqstannyń COVID-19 indetine qarsy kúreste kórsetken qoldaýyna zor rızashylyǵymyzdy bildiremiz», - dedi ol.
О́z kezeginde Q. Nurpeıisov qıyn kezde baýyrlas halyqtar bir-birine árqashan kómek qoldaryn sozatynyn basa aıtty.
2020 jylǵy 25 qarashada Qazaqstan taraby bergen 400 dana jasandy jeldetý apparaty men 2 mln. medısınalyq betperde túrindegi gýmanıtarlyq júk Qyrǵyzstanǵa jetkizildi. Atalǵan buıymdar Qazaqstanda, atap aıtqanda «Tynys» AQ, «Dolcepharm» JShS pen «Megapharm» JShS kásiporyndarynda shyǵarylǵan. Jalpy salmaǵy 16 tonna bolatyn gýmanıtarlyq ónimder barlyq sanıtarlyq-epıdemıologııalyq normalardy saqtaı otyryp, júk kóligimen jetkizildi. Qyrǵyz tarapynan júkti qabyldap alýshy Qyrǵyz Respýblıkasynyń Densaýlyq saqtaý mınıstrligi bolyp bekitildi.
