Qazaqstan • 27 Qarasha, 2020

BJZQ óz salymshylaryn zeınetaqy tólemderin alýǵa shaqyrdy

519 ret kórsetildi

«Biryńǵaı jınaqtaýshy zeınetaqy qory» AQ zeınet jasyna jetken, qorda zeınetaqy jınaqtary bar jáne zeınetaqy tólemderin alýǵa ótinish bildirmegen adamdardy qordaǵy jınaqtaryn alýǵa shaqyrdy.

«Ásirese 59,5 jasqa byltyr tolǵan áıelderdiń nazaryn erekshe aýdarǵymyz keledi. Eger olar tólem taǵaıyndaýǵa jyl sońyna deıin júginbese, muny kelesi jyly tek 60 jasqa tolǵannan keıin ǵana jasaı alady. QR «Qazaqstan Respýblıkasynda zeınetaqymen qamsyzdandyrý týraly» Zańyna sáıkes áıelderdiń zeınetke shyǵý jasy jyl saıyn jarty jylǵa ulǵaıyp, 2027 jyly erlermen teńesetini belgili.

Esterińizge sala keteıik, BJZQ-dan zeınetaqy tólemderi alýshy ótinish bergen kúnnen bastap belgilenedi jáne zeınetaqy jınaqtary taýsylǵanǵa deıin júzege asyrylady» delingen qor málimdemesinde.

Zeınetkerlik jasqa tolýyna baılanysty biryńǵaı ótinish berý úshin Memlekettik korporasııanyń jumys kestesine sáıkes «Azamattarǵa arnalǵan úkimet» memlekettik korporasııasy» KEAQ-qa ózińizge yńǵaıly ýaqytta júginý qajet. Zeınetaqy tólemin taǵaıyndaý týraly ótinishti zeınetkerlik jasqa tolǵanǵa deıingi 10 kún ishinde berýge bolady.

Biryńǵaı ótinish negizinde alýshyǵa Memlekettik kepildik (ınflıasııa deńgeıin eskere otyryp, naqty engizilgen mindetti zeınetaqy jarnalarynyń, mindetti kásiptik zeınetaqy jarnalarynyń somasy men zeınetaqy jınaqtarynyń somasy arasyndaǵy aıyrma) tóleý boıynsha belsendi qyzmet te kórsetiledi.

BJZQ alýshylardyń Qazaqstan Respýblıkasy zańnamasynyń erejelerine sáıkes eseptelgen zeınetaqy tólemderiniń somalaryn Memlekettik korporasııaǵa aýdarady.

Aı saıynǵy zeınetaqy tóleminiń mólsheri Qazaqstan Respýblıkasy Úkimetiniń 02.10.2013 jylǵy №1042 qaýlysymen bekitilgen Zeınetaqy tólemderiniń mólsherin esepteýdi júzege asyrý ádistemesine sáıkes eseptelgen zeınetaqy tólemderiniń jyldyq somasynyń on ekiden bir bóligi retinde aıqyndalady.

Bul rette aı saıynǵy zeınetaqy tóleminiń eseptelgen mólsheriniń tólemi respýblıkalyq bıýdjet týraly zańda tıisti qarjy jylyna belgilengen eń tómen kúnkóris deńgeıiniń 54 paıyzynan kem emes mólsherde júzege asyrylady (01.04.2020 j. bastap – 17 640,72 teńge = 54% * 32 668).

Eger ótinish berilgen kúngi zeınetaqy jınaqtarynyń somasy tıisti qarjy jylyna arnalǵan respýblıkalyq bıýdjet týraly zańda belgilengen eń tómen zeınetaqynyń on eki eselengen mólsherinen aspaıtyn bolsa, bul soma alýshyǵa BJZQ-dan bir ret birjola tólenedi. 2020 jyldyń 1 sáýirinen bastap bul soma 485 292 teńgege teń.

 

ALMATY

Sońǵy jańalyqtar

Arysta joǵalǵan bir úıir jylqy tabyldy

Aımaqtar • Búgin, 13:25

2020 jyly 936 myńnan astam adam AÁK aldy

Qazaqstan • Búgin, 12:47

Dollar qymbattady

Ekonomıka • Búgin, 11:35

Qazaqstanda elektr energııasy qymbattady

Qazaqstan • Búgin, 10:21

Qyrǵyzstanda eks-premer ustaldy

Álem • Búgin, 09:53

Pnevmonııadan 1 adam qaıtys boldy

Koronavırýs • Búgin, 09:22

Sartaı batyrdyń ashamaıy

Rýhanııat • Búgin, 08:07

«Bestikke» engen óńirdegi betburys

Aımaqtar • Búgin, 07:58

Qoǵammen baılanys qoldaý tapty

Qoǵam • Búgin, 07:56

Ekpe saldyrý – óz erkińizde

Medısına • Búgin, 07:54

Tarıh ǵylymynyń kóshbasshysy

Oqıǵa • Búgin, 07:54

Munaıly óńirge – myń doza

Medısına • Búgin, 07:52

Qyzylsha men qamys – óńdegenge tabys

Ekonomıka • Búgin, 07:41

Máskeý festıvaline barǵanda...

Tanym • Búgin, 07:40

DSU: О́tpeli kezeń aıaqtaldy

Ekonomıka • Búgin, 07:37

Áke jolyn jalǵar ul

Aımaqtar • Búgin, 07:35

Uqsas jańalyqtar