Almatyda 7 myńnan astam jumys orny ashylady

Aımaqtar • 27 Qarasha, 2020

Almatyda 7 myńnan astam jumys orny ashylady

23 ret kórsetildi

О́ńirlik kommýnıkasııalar alańynda ótken onlaın-brıfıngte Almaty qalasynyń Kásipkerlik jáne ınvestısııalar basqarmasynyń basshysy Erkebulan Orazalın bıylǵy jyldyń 10 aıynda pandemııa saldarynyń aıasynda saýda salasy quldyraǵanyna qaramastan, óndiris jáne ınvestısııalar salasynda oń dınamıka baıqalatyndyǵyn atap ótti.

Elvıra SERIKQYZY

Erkebulan Orazalın atap ótkenindeı, aǵymdaǵy jylǵy qańtar-qazanda bólshek saýda kólemi 2 747 mlrd teńgeni qurady. Respýblıkalyq kólemde qalanyń bólshek taýar aınalymynyń úlesi 30,3%-dy qurady. Bul rette azyq-túlik taýarlaryn satý 6,7%-ǵa ulǵaıdy, azyq-túlik emes taýarlar 14,3%-ǵa tómendedi. Qańtar-qazan aılarynda kóterme saýda aınalymynyń kólemi 7 978,2 mlrd teńgeni qurady. Respýblıkalyq kólemde qalanyń kóterme taýar aınalymynyń úlesi 42,8%-dy qurady.

Sonymen birge, ónerkásipte oń serpin baıqalýda. 2020 jylǵy qańtar-qazan aılarynyń kezeńi ishinde 826,4 mlrd teńgege, onyń ishinde, óńdeý ónerkásibinde 670,4 mlrd. teńgege ónim óndirildi. Sondaı-aq, pandemııaǵa jáne karantınniń shekteý sharalaryna qaramastan, aǵymdaǵy jyly Almaty qalasynda negizgi kapıtalǵa salynǵan ınvestısııalar kóleminiń óskeni baıqalady.

Bıylǵy jyldyń 10 aıynyń ishinde negizgi kapıtalǵa salynǵan ınvestısııalar 719,2 mlrd. teńgeni, NKI – 116,9 paıyzdy qurady.

Paıdalaný baǵyttary boıynsha ınvestısııalardyń negizgi kólemi: jyljymaıtyn múlikke – 323,4 mlrd. teńge; ónerkásipke – 99 mlrd. teńge; kólik jáne qoımalaýǵa – 69,4 mlrd. teńge; densaýlyq saqtaý jáne áleýmettik qyzmet kórsetýge – 44,9 mlrd. teńge; sondaı-aq qarjy jáne saqtandyrý qyzmetine – 43,3 mlrd. teńge tıesili boldy.

Jyldyń sońyna deıin 90 ınvestısııalyq jobany iske asyrý josparlanyp otyr, olardyń arasynda: áleýmettik jobalar – 30,8 mlrd teńgege 9 joba;
saýda jáne qyzmet kórsetý salasyndaǵy jobalar – 15 mlrd teńgege 45 joba; ónerkásip salasyndaǵy jobalar – 60,4 mlrd teńgege 17 joba; jyljymaıtyn múlik – 68,5 mlrd. teńgege 18 joba; kólik –1,5 mlrd.teńgege 1 joba.
Jobalardy iske asyrý barysynda aǵymdaǵy jyly 7,3 myńnan astam jumys oryndaryn qurý josparlanyp otyr. E. Orazalın 2020 jyldyń qorytyndysy boıynsha megapolıstiń negizgi kapıtalyna salynǵan ınvestısııalar 900 mlrd. teńge deńgeıinde degen boljammen bólisti. Qalanyń ınvestısııalyq tartymdylyǵyn arttyrý úshin kelesi sharalar qabyldanýda:
Almaty ındýstrıaldy aımaǵynyń aýmaǵyn keńeıtý jolymen jeke ınvestısııalar tartý; «Alataý» ITP AEA negizinde farmasevtıkalyq klaster qurý - jumys istep turǵan ónerkásip nysandarynyń negizinde iri developerlik jobalardy iske asyrý; qala ekonomıkasynyń basym sektorlaryna ınvestısııalar tartý pysyqtalýda.

ALMATY

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz